Department of Traditional Medicine

ရန်ကုန်တိုင်းဒေသကြီး ခုတင်(၁၀၀)ဆံ့တိုင်းရင်းဆေးရုံ၊ ရန်ကုန်မှ ဒုတိယဆေးရုံအုပ် ဒေါ်ယဥ်ယဥ်မြင့် ဦးဆောင်၍ တိုင်းရင်းဆေးမှူး ဒေါ်ခင်မြတ်ကျော်၊ ဒုတိယတိုင်းရင်းဆေးမှူး ဒေါ်မိတင်တင်ဦး၊ အငယ်တန်းစာရေး ဒေါ်ကြူကြူဝင်း၊ ရုံးအကူ ဒေါ်စီစီမြင့် တို့ပါဝင်သောကွင်းဆင်းဆေးကုသရေးအဖွဲ့သည် (၂၂.၉.၂၀၂၃)ရက်             (​သောကြာနေ့)တွင် ရန်ကုန်တိုင်းဒေသကြီး၊ မရမ်းကုန်းမြို့နယ်၊ လူမှုဝန်ထမ်းဦးစီးဌာန၊ အမျိုးသမီးကလေးများ သင်တန်းကျောင်း၌ နံနက်(၉)နာရီမှ နေ့လယ်(၃)နာရီအထိ၊  မီးယပ်ဖြူဆင်းရောဂါနှင့်ပတ်သက်၍ ဆောင်ရန်၊ ရှောင်ရန်များနှင့် ဝိသမအဖျားပျောက်ဆေးအကြောင်းသိကောင်းစရာ အကြောင်းတို့ကို ကျန်းမာရေးအသိပညာ ပေးဟောပြောရာ ဟောပြောပွဲတက်ရောက်သူ (၁၅၀)ဦးရှိပြီး  လူနာ-မ (၁၄၂)ဦးတို့အား အခမဲ့ဆေးကုသမှု ဆောင်ရွက်ပေးခဲ့ကြောင်း သိရသည်။

မကွေးတိုင်းဒေသကြီး တိုင်းရင်းဆေးပညာဦးစီးဌာနမှ ၂၃-၉-၂၀၂၃ ရက်နေ့တွင် ဒုတိယတိုင်းဒေသကြီး​ဦးစီးဌာနမှူး ဒေါ်တင်တင်ဝေ၊ ခရိုင်တိုင်းရင်းဆေးကုဌာနမှ ဒုတိယတိုင်းရင်းဆေးမှူး ဒေါ်သန်းနိုင်အေး၊ မကွေးမြို့နယ် တိုင်းရင်းဆေးမှူး ဦးဇေယျာမင်းအောင်တို့အဖွဲ့သည် မကွေးမြို့နယ်ပညာစက္ကာရာမကျောင်းတိုက်ရှိ သံဃာတော်၅ပါး၊ ဥပုသ်သီလဆောက်တည်သူ၄၀ဦး၊ စုစုပေါင်း(၄၅)ဦးတို့အား တိုင်းရင်းဆေးဖြင့် အခမဲ့ ကျန်းမာရေး စောင့်ရှောက်မှု‌ပေးခဲ့ကြောင်းသိရသည်။

ရခိုင်ပြည်နယ် သံတွဲခရိုင် တိုင်းရင်းဆေးကုဌာနမှ ခရိုင်ဦးစီးဌာနမှူးဦးဆောင်သော ကွင်းဆင်းဆေးကုသရေးအဖွဲ့သည် ၂၂-၉-၂၀၂၃ ရက်နေ့တွင် သံတွဲမြို့နယ် မေတာဝတီဘိုးဘွားရိပ်သာ၌ ကွင်းဆင်းဆေးကုသခဲ့ရာ ကျား ၁၅ ဦး မ၃၂ ဦး စုစုပေါင်း၄၇ ဦးအား တိုင်းရင်းဆေးဖြင့် ကျန်းမာရေးစောင့်ရှောက်မှုပေးခဲ့ကြောင်း သိရသည်။

တိုင်းရင်းဆေးပညာဦးစီးဌာန မကွေးတိုင်းဒေသကြီး  မင်းဘူးခရိုင်  ပွင့်ဖြူ မြို့နယ်တိုင်းရင်းဆေးကုဌာနမှ မြို့နယ် တိုင်းရင်းဆေးမှုး ဒေါ်ညိုညိုသန့်နှင့် ဆေးခန်းအကူ ဒေါ်ခင်ခင်ဝင်းရီတို့သည် ပွင့်ဖြူမြို့နယ် ရှောက်တောကျေးရွာ ၌ (၂၀.၉.၂၀၂၃)ရက်နေ့တွင် ကွင်းဆင်းဆေးကုသမှုဆောင်ရွက်ခဲ့ရာ ကျား(၂၃)ဦး မ (၃၁)ဦး စုစုပေါင်း (၅၄) ဦး တို့အား တိုင်းရင်းဆေးဖြင့် အခမဲ့ ကျန်းမာရေးစောင့်ရှောက်မှုဆောင်ရွက်ခဲ့ ကြောင်း သိရသည်။