the republic of the union of myanmar
ministry of health
Department of Traditional Medicine
ခုတင်( ၁၀၀)ဆံ့တိုင်းရင်းဆေးရုံ၊ မန္တလေးမှ တိုင်းရင်းဆေးပညာဖြင့်ကျန်းမာရေးစောင့်ရှောက်မှုပေးခြင်း
Thu , Sep 21 2023 - 06 amခုတင်( ၁၀၀)ဆံ့တိုင်းရင်းဆေးရုံ၊ မန္တလေးမှ ၉-၉-၂၀၂၃ ရက်နေ့တွင် ဒုတိယဆေးရုံအုပ် ဒေါ်သိန်းထိုက်နှင့် အကြီးတန်းတိုင်းရင်းဆေးမှူး ဒေါ်စောယုအောင် ဦးဆောင်သော ဆရာမများအဖွဲ့သည် မေတ္တာဒေစီကျောင်းသုံးမိုင် ပြင်ဦးလွင်ခရိုင်၌ ကွင်းဆင်းဆေးကုရာတွင် လူနာစုစုပေါင်း(၅၂)ဦးအား တိုင်းရင်းဆေးဖြင့် ဆေးကုသ ဆောင်ရွက်ခဲ့ကြောင်း သိရသည်။
ရန်ကုန်တိုင်းဒေသကြီး တောင်ပိုင်းခရိုင် တံတားမြို့တိုင်းရင်းဆေးကုဌာနမှ မြို့နယ်တိုင်းရင်းဆေးမှူး ဦးအောင်ဟိန်းသူ ဦးဆောင်သော ကွင်းဆင်းအဖွဲ့သည် ၁၉.၉.၂၀၂၃ ရက် အင်္ဂါနေ့ နံနက် ၁၀:၀၀ နာရီမှ နေ့လယ် ၃:၃၀ နာရီအချိန်အထိ တံတားမြို့၊ စင်မကော်ကျေးရွာ၌ ကျေးရွာသူ/ကျေးရွာသား လူဦးရေ(၃၀)ဦးအား ကျန်းမာခြင်း မကျန်းမာခြင်းကိုဖြစ်စေသော အကြောင်းတရားလေးပါး အကြောင်း ကျန်းမာရေးအသိပညာပေး ဟောပြော၍ တိုင်းရင်းဆေးပညာရပ်ဆိုင်ရာ လက်ကမ်းစာစောင်များဖြန့်ဝေခြင်းတို့ပြုလုပ်ခဲ့ပြီး အမျိုးသား လူနာ(၁၇)ဦး၊ အမျိုးသမီးလူနာ(၄၈)ဦးနှင့် ကလေးလူနာ(၄)ဦး စုစုပေါင်းလူနာ (၆၉)ဦး တို့အား တိုင်းရင်းဆေးဝါးများဖြင့် အခမဲ့ ကွင်းဆင်းဆေးကုသမှုပေးခဲ့ကြောင်း သိရသည်။
မကွေးတိုင်းဒေသကြီး၊ ရေနံချောင်းမြို့ (၁၆)ခုတင်ဆံ့တိုင်းရင်းဆေးရုံမှ ဒေါ်မူမူခင် ဆေးရုံအုပ် ဒုတိယတိုင်းရင်းဆေးမှူး ဒေါ်သိန်းသိန်းဝင်းနှင့် ဒေါ်မြင့်မြင့်ကြည်တို့ဦးဆောင်သော အဖွဲ့သည် ယနေ့ ၁၉-၉-၂၀၂၃ ရက်နေ့တွင် ဘေးအန္တရယ်ဆိုင်ရာ စီမံခန့်ခွဲမှုဦးစီးဌာန၊ လူငယ်ရေးရာ(NGO)အဖွဲ့တို့နှင့်ပူးပေါင်း၍ ရေနံချောင်းမြို့၊ ညောင်လှရပ်ကွက်၊ အမှတ်(၃)အခြေခံပညာအထက်တန်းကျောင်း၌ တိုင်းရင်းဆေးပညာဖြင့်ပညာပေး ဟောပြောခြင်းဆောင်ရွက်ခဲ့ရာတွင် တက်ရောက်သူ (၃၁၂)ဦးရှိပြီး ရုတ်တရက် ထိခိုက်ဒဏ်ရာရရှိပါက လုပ်ဆောင်ရမည့်အချက်များနှင့် အသုံးပြုနိုင်သော ဆေးဖက်ဝင်အပင်များအကြောင်း အသိပညာပေး ဟောပြောခဲ့ပြီး တိုင်းရင်းဆေးဖြင့် ကျား(၃၀)ဦး၊ မ(၃၅)ဦး စုစုပေါင်း (၆၅)ဦးအား ကျန်းမာရေးစောင့်ရှောက်မှု ပေးခဲ့ကြောင်း သိရသည်။
မန္တလေးတိုင်းဒေသကြီး ကျောက်ပန်းတောင်းခရိုင် တိုင်းရင်းဆေးကုဌာနမှ Talk Show ပြုလုပ်ခြင်း
Wed , Sep 20 2023 - 10 amမန္တလေးတိုင်းဒေသကြီး ကျောက်ပန်းတောင်းခရိုင် တိုင်းရင်းဆေးကုဌာနမှ (၁၈.၉.၂၀၂၃) ရက်နေ့တွင် ကျောက်ပန်းတောင်းမြို့ ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် မန္တလေးတိုင်းဒေသကြီး ကျောက်ပန်းတောင်းခရိုင် တိုင်းရင်းဆေးကုဌာနမှ ခရိုင်တိုင်းရင်းဆေးမှူး ဒေါ်သင်းသင်းဦးတို့ပူးပေါင်း၍ တိုင်းရင်းဆေးပညာဖြင့် သွေးတိုးရောဂါကာကွယ်ကုသရေး အသိပညာပေးအကြောင်းကို Talk Show ပြုလုပ်ခဲ့ ကြောင်း သိရှိရသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။
