the republic of the union of myanmar

ministry of health

department of traditional medicine

ဆေးဝါးဌာနစိတ်၏ လုပ်ငန်းဆောင်ရွက်ချက်များ

 

ဆေးဝါးဌာနစိတ်၏ လုပ်ငန်းဆောင်ရွက်ချက်များ

၁။ဘေးအန္တရာယ်ကင်းရှင်းသော အစွမ်းထက်တိုင်းရင်းဆေးဝါးများကို အများပြည်သူသုံးစွဲနိုင်ရေး ကိစ္စရပ်များဆောင်ရွက်ပေးခြင်း

(က)နိုင်ငံတော်၏ဌာနဆိုင်ရာများမှ ထုတ်လုပ်သောတိုင်းရင်းဆေးဝါးများသော်လည်းကောင်း၊ ပုဂ္ဂလိကလုပ်ငန်းရှင်များမှထုတ်လုပ်သောတိုင်းရင်းဆေးဝါးများသော်လည်းကောင်း၊ ပြည်သူလူထုအတွင်းစျေးကွက်များသို့ ဖြန့်ဖြူးရောင်းချမည်ဆိုပါက တိုင်းရင်း ဆေးဝါးဥပဒေပါ ပြဌာန်းချက်များ နှင့်အညီတိုင်းရင်းဆေးဝါးမှတ်ပုံတင်ခြင်း၊ တိုင်းရင်းဆေးဝါးထုတ်လုပ်မှု လိုင်စင်ရယူခြင်း။

 

(ခ)တိုင်းရင်းဆေးဝါးထုတ်လုပ်သူများသာမက ကြီးကြပ်စစ်ဆေးသူများမှလည်း ဥပဒေနှင့်အညီဆောင်ရွက်နိုင်ရန် ပညာပေးခြင်း။

 

(ဂ)ကောင်းမွန်သောထုတ်လုပ်မှုကျင့်စဉ်နှင့်အညီ ထုတ်လုပ်ပေးနိုင်ရေးအတွက် ဆေးဝါးထုတ်လုပ်သောလုပ်ငန်းရှင်များကိုပညာပေးသင်တန်းများပို့ချပြီးထုတ်လုပ်သည့်လုပ်ငန်းများကို စစ်ဆေးခြင်း။

 

(ဃ)ယခင်တိုင်းရင်းဆေးဝါးဥပဒေအားခေတ်စနစ်နှင့် ဆီလျော်မှုရှိစေရန် တိုင်းရင်းဆေးဝါး ဥပဒေအားပြင်ဆင်သည့်ဥပဒေမူကြမ်းတင်ပြခြင်း။

 

(င)ပြည်သူလူထုအတွင်းဖြန့်ဖြူးနေသော ပုဂ္ဂလိကတိုင်းရင်းဆေးဝါးများ မှတ်ပုံတင်စဉ်နှင့်မှတ်ပုံတင်ရရှိပြီးသက်တမ်းတလျှောက်တွင် အရည်အသွေးစံနှင့် ကိုက်ညီမှုရှိစေရန်အခါအားလျော်စွာ တိုင်းရင်းဆေးဝါးများကိုကျဘမ်းကောက်ယူ (Random Sampling) စစ်ဆေးပြီး လိုအပ်သောအရေးယူဆောင်ရွက်မှုများပြုလုပ်ခြင်း။

 

(စ)ပြည်သူလူထုအားဘေးအန္တရာယ်ဖြစ်စေနိုင်သော တိုင်းရင်းဆေးဝါးများအား စိစစ် တွေ့ရှိပါကနေ့စဉ်ထုတ်သတင်းစာများမှ ပြန်ကြားပေးခြင်း။

 

(ဆ)စျေးကွက်တွင် တိုင်းရင်းဆေးဝါးမှတ်ပုံတင်ထားခြင်းမရှိသော ဆေးဝါးများအား တိုင်းရင်းဆေးဝါးကြီးကြပ်မှုကော်မတီများမှ သွားရောက်စစ်ဆေး၍ တွေ့ရှိပါကတိုင်းရင်းဆေးဝါးဥပဒေအရ အရေးယူခြင်း။

 

(စျ)ဆေးဝါးများ၏သက်တမ်းနှင့်ပတ်သက်၍ အစဉ်လေ့လာဆန်းစစ်မှုများ ဆောင်ရွက်ခြင်းနှင့် မကောင်းမွန်သောအဖြေများ ရရှိပါကပိုင်ရှင်များ ခေါ်ယူဆွေးနွေး အသိပညာပေးခြင်းဖြင့် ပြည်သူလူထုများ ဘေးအန္တရာယ်ကင်းရှင်းသော တိုင်းရင်းဆေးဝါးများ အား သုံးစွဲနိုင်စေရန် ကြီးကြပ်ပညာပေးခြင်း။

 

(ည)တိုင်းရင်းဆေးကောင်စီ၀င်ဆေးဆရာကြီးများပါ၀င်သော ဗဟိုတိုင်းရင်းဆေးဝါး ကြီးကြပ်ရေးကော်မတီ၊ အစည်းအဝေးများကျင်းပ၍ ဘေးအန္တရာယ်ကင်းရှင်းပြီး အရည်အသွေးစစ်မှန်အစွမ်းထက်သော မြန်မာ့တိုင်းရင်းဆေးဝါးများ ဖြစ်ပါက တိုင်းရင်းဆေးဝါးမှတ်ပုံတင်ခွင့်ပြုရန်စိစစ်ခြင်း။

 

(ဋ)ဘေးအန္တရာယ်ဖြစ်စေသောသတ္တုမာအရောအနှောများ၊ နိုင်ငံခြားဆေးအရောအနှောများပါရှိသော မြန်မာ့တိုင်းရင်းဆေးဝါးများအား စိစစ်၍တွေ့ရှိရပါက တိုင်းရင်းဆေးဝါးမှတ်ပုံတင် ထုတ်ပေးရန်ခွင့်မပြုခြင်း။

 

၂။တိုင်းရင်းဆေးဝါးမှတ်ပုံတင် (အသစ်/သက်တမ်းတိုး)၊ တိုင်းရင်းဆေးဝါးထုတ်လုပ်ခွင့် လိုင်စင် (အသစ်/သက်တမ်းတိုး)လျှောက်လွှာများအားရောင်းချပေးခြင်း။

 

၃။ပုဂ္ဂလိကတိုင်းရင်းဆေးဝါးထုတ်လုပ်သူများ၏ တိုင်းရင်းဆေးဝါးမှတ်ပုံတင်၊ ထုတ်လုပ်ခွင့် လိုင်စင်များနှင့်စပ်လျဉ်း၍ ပြင်ဆင်ပြောင်းလဲခြင်းများ ရှိပါကဌာနမှချမှတ်ထားသော မူဝါဒများ အတိုင်း ၀န်ဆောင်မှုပေးခြင်း။

 

၄။ပြည်ပမှတင်သွင်းလာသော ပရဆေးကုန်ကြမ်းများအား တိုင်းရင်းဆေးဝါးများတွင် အသုံးပြုသော ကုန်ကြမ်းများဖြစ်ကြောင်းထောက်ခံချက်ပေးခြင်းဆောင်ရွက်ခြင်း။

 

၅။နိုင်ငံခြား၀င်ငွေရရှိစေရန် ပြည်ပသို့ တင်ပို့သောတိုင်းရင်းဆေးဝါးများအား Certificate of Free Sale (CFS) များထုတ်ပေးခြင်း။

 

၆။အများပြည်သူများဘေးန္တရာယ်ကင်းရှင်း၍ အရည်အသွေးစိတ်ချရမှုရှိစေရန် နိုင်ငံခြားမှ၀င်ရောက်လာသော Herbal Medicine များအားစိစစ်၍ မှတ်ပုံတင်ထုတ်ပေးရန် တိုင်းရင်းဆေးဝါး ဥပဒေအားအသစ်ပြန်လည်ရေးဆွဲရန် ဆောင်ရွက်လျက်ရှိခြင်း။

 

၇။မြို့နယ်၊ ခရိုင်၊ တိုင်းဒေသကြီး/ပြည်နယ် တိုင်းရင်းဆေးဝါးကြီးကြပ်ရေး ကော်မတီများမှတဆင့် တင်ပြလာသောတိုင်းရင်းဆေးဝါးမှတ်ပုံတင်၊ တိုင်းရင်းဆေးဝါးထုတ်လုပ်ခွင့်လိုင်စင် လျှောက် ထားခြင်း နှင့်ပတ်သက်၍ လိုအပ်ချက်များအားပြန်ကြားပေးခြင်း။

 

၈။အာဆီယံနိုင်ငံများအတွင်းတိုင်းရင်းဆေးဝါးများနှင့်ပတ်သက်၍ သတင်းအချက်အလက်များ ရယူနိုင်ရန် ပြည်ပနိုင်ငံများသို့ အခါအားလျော်စွာအစည်းအဝေးများတက်ရောက်ခြင်း။

 

၉။အထက်မှပေးအပ်သော တာ၀န်နှင့်၀တ္တရားများကို ကျေပွန်စွာစီမံခန့်ခွဲ၍ ဆောင်ရွက်ပေးခြင်း။

 

၁၀။အခါအားလျော်စွာ အခြား၀န်ကြီးဌာနများမှ တောင်းခံလာသောတိုင်းရင်းဆေးဝါးနှင့်ပတ်သက်သည့် သတင်းအချက်အလက်များအားအချိန်နှင့်တပြေးညီပေးပို့ဆောင်ရွက်ခြင်း။

 

ဆောင်ရွက်ချက်များ

Radio Talk and TV

သုတအဖြာဖြာတိုင်းရင်းဆေးပညာအစီအစဉ်

သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။

ဆီးချိုရောဂါနှင့် တိုင်းရင်းဆေးပညာအကြောင်း သိကောင်းစရာ
ကြက်သွန်ဖြူ နှင့်ဆေးအသုံး
ဆေးဖက်ဝင်ငရုတ်ကောင်းပင်ကိုအသုံးပြု၍တိုင်းရင်းဆေးပညာဖြင့် ပဏာမကျန်းမာရေးစောင့်ရှောက်ခြင်း
မီးယပ်သွေးချုပ်ခြင်းအကြောင်း သိကောင်းစရာ