Department of Traditional Medicine

ကျန်းမာရေးဝန်ကြီးဌာန၊ တိုင်းရင်းဆေးပညာဦးစီးဌာန၊  (၁၆)ခုတင်ဆံ့တိုင်းရင်းဆေးရုံ(ကျုံပျော်) ဖွင့်ပွဲ အခမ်းအနားကို ယနေ့ (၂၃-၉-၂၀၂၃)ရက် စနေနေ့ နံနက်(၁၀:၀၀)နာရီအချိန်က ကျင်းပပြုလုပ်ရာ ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးတင်မောင်ဝင်း၊ လုံခြုံရေးနှင့်နယ်စပ်ရေးရာ၀န်ကြီးဌာန ဝန်ကြီး ဗိုလ်မှူးကြီးမိုးမင်းနိုင်၊ ကျန်းမာရေးဝန်ကြီးဌာန၊ တိုင်းရင်းဆေးပညာ ဦးစီးဌာနညွှန်ကြားရေးမှူးချုပ် ဒေါက်တာစုစုဒွေးတို့က အခမ်းအနားကို ဖဲကြိုးဖြတ်၍ ဖွင့်လှစ်ပေးသည်။

ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်တာသက်ခိုင်ဝင်း ဦးဆောင်သည့် မြန်မာကိုယ်စားလှယ်အဖွဲ့သည် စက်တင်ဘာလ (၁၄) ရက် မွန်းလွဲပိုင်းတွင် တရုတ်-အာဆီယံနိုင်ငံများမှ ကိုယ်စားလှယ်အဖွဲ့များနှင့်အတူ ဖန်ချန်းကန်မြို့ရှိ တိုင်းရင်းဆေးဝါးကဏ္ဍ ဖွံ့ဖြိုးတိုးတက်ရေးစီပွားရေးဇုန် တည်ထောင်ဖွင့်လှစ်ထားရှိမှု အထိမ်းအမှတ်ပြခန်းကို သွားရောက်လေ့လာကြပါသည်။

တိုင်းရင်းဆေးပညာဦးစီးဌာန ညွှန်ကြားရေးမှူးချုပ် ဒေါက်တာစုစုဒွေးသည် ၂၀၂၃ ဩဂုတ် ၂၇၊၂၈ ရက်နေ့များတွင် ရန်ကုန်မြို့ရှိ ခုတင် (၁၀၀)ဆံ့ တိုင်းရင်းဆေးရုံ၊ မြို့နယ် တိုင်းရင်းဆေးကုဌာနများ (ပုဇွန်တောင်မြို့နယ်၊  ဗိုလ်တစ်ထောင်မြို့နယ်၊  အလုံမြို့နယ်) ခရိုင် တိုင်းရင်းဆေးကုခန်းများနှင့် ရန်ကုန်မြို့ရှိ ပုဂ္ဂလိကတိုင်းရင်းဆေးဝါးစက်ရုံအချို့အား သွားရောက် ကြည့်ရှုစစ်ဆေးခဲ့ပါကြောင်း သတင်းရရှိသည်။

ကျန်းမာရေးဝန်ကြီးဌာန၊ တိုင်းရင်းဆေးပညာဦးစီးဌာနက ကြီးမှူး၍ Training Workshop on Research Methodology, Research Ethics and Clinical Trial သင်တန်း ဖွင့်ပွဲအခမ်းအနားကို  ယနေ့ (၁၆-၈-၂၀၂၃)ရက် ဗုဒ္ဓဟူးနေ့ နံနက်(၉)နာရီက နေပြည်တော် အမျိုးသား ပရဆေးဥယျာဉ် အတွင်းရှိ သင်တန်းခန်းမတွင် ကျင်းပပြုလုပ်ရာ ကျန်းမာရေးဝန်ကြီးဌာန၊ တိုင်းရင်းဆေးပညာ ဦးစီးဌာန၊  ညွှန်ကြားရေးမှူးချုပ် ဒေါက်တာစုစုဒွေး၊ တိုင်းရင်းဆေးတက္ကသိုလ်ပါမောက္ခချုပ်၊ တိုင်းရင်းဆေးပညာဦးစီးဌာန မှ ဒုတိယညွှန်ကြားရေးမှူးချုပ်၊ ညွှန်ကြားရေးမှူးများ၊ ဒုတိယ ညွှန်ကြားရေးမှူးများနှင့် တာဝန်ရှိသူများ၊  မြန်မာနိုင်ငံတိုင်းရင်းဆေးကောင်စီ ဥက္ကဌ၊ မြန်မာနိုင်ငံ တိုင်းရင်းဆေးဆရာအသင်း(ဗဟို) ဥက္ကဌနှင့် ဖိတ်ကြားထားသော ဧည့်သည်တော်များ၊ သင်တန်း ဆရာ၊ ဆရာမများ နှင့် သင်တန်းသား၊ သင်တန်းသူများ တက်ရောက်သည်။