Department of Traditional Medicine

တိုင်းရင်းဆေးပညာဦးစီးဌာန၊ ညွှန်ကြားရေးမှူးချုပ် ဒေါက်တာစုစုဒွေးသည် (၉-၇-၂၀၂၄)ရက်နေ့တွင် ရှမ်းပြည်နယ်၊ ကျိုင်းတုံမြို့ရှိ (၂၅)ခုတင်ဆံ့ တိုင်းရင်းဆေးရုံ၌ ၂၅ ခုတင်ဆံ့ တိုင်းရင်းဆေးရုံ (ကျိုင်းတုံ)၊ ကျိုင်းတုံ ခရိုင်တိုင်းရင်းဆေးကုဌာနနှင့် မြို့နယ်တိုင်းရင်းဆေးကုဌာန၊ တာချီလိတ်မြို့နယ် တိုင်းရင်းဆေးကုဌာန၊  မိုင်းယောင်းမြို့နယ်တိုင်းရင်းဆေးကုဌာနတို့မှ ဝန်ထမ်းများနှင့်တွေ့ဆုံကာ အားပေးစကားပြောကြားပြီး လုပ်ငန်း ဆောင်ရွက်နေမှုများအား လမ်းညွှန်မှာကြားဖြည့်ဆည်းပေးပါသည်။ ထို့နောက် ဂရိတ်ဝေါတိုင်းရင်းဆေးဝါး ထုတ်လုပ်ရေး နှင့် ထွန်းရွှေဝါတိုင်းရင်းဆေးဝါးထုတ်လုပ်ရေးလုပ်ငန်းတို့က တွေ့ဆုံပွဲတက်ရောက်ကြသည့် ဌာနများ အား အလှူငွေ ၅သိန်းကျပ်စီပေးအပ်လှူဒါန်းပါသည်။

ရှမ်းပြည်နယ်၊ အရှေ့ပိုင်း၊ ကျိုင်းတုံမြို့ (၂၅)ခုတင်ဆံ့ တိုင်းရင်းဆေးရုံ၌ သံဃာ ဆေးကုသဆောင်ဖွင့်ပွဲ အခမ်းအနားကို ၈-၇-၂၀၂၄ ရက်နေ့တွင် ကျင်းပသည်။

ယနေ့ ၂၀၂၄ ခုနှစ်၊ ဇူလိုင်လ (၅)ရက်နေ့တွင် တိုင်းရင်းဆေးပညာဦးစီးဌာန၊ အစည်းအဝေး ခန်းမ၌ ကျင်းပပြုလုပ်သော စတုတ္ထအကြိမ် (Microsoft Word Advanced, Microsoft Excel Advanced, Internet & Email Course) ကွန်ပျူတာဘာသာရပ်ဆိုင်ရာသင်တန်းဆင်းပွဲ အခမ်အနားသို့  တိုင်းရင်းဆေးပညာဦးစီးဌာန ညွှန်ကြားရေးမှူးချုပ် ဒေါက်တာစုစုဒွေး၊  တိုင်းရင်းဆေးပညာဦးစီးဌာနမှ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ သင်တန်းနည်းပြဆရာမများနှင့် သင်တန်းသူ/သင်တန်းသားများ တက်ရောက်ကြပါသည်။

ကျန်းမာရေးဝန်ကြီးဌာန၊ တိုင်းရင်းဆေးပညာဦးစီးဌာန၊ မြန်မာနိုင်ငံတိုင်းရင်းဆေးကောင်စီတို့ ဦးဆောင်မှုဖြင့် မြန်မာနိုင်ငံတိုင်းရင်းဆေးဆရာအသင်းနှင့် ကမ္ဘာ့ကျန်းမာရေးအဖွဲ့ (WHO) တို့ ပူးပေါင်းဖွင့်လှစ်သော တိုင်းရင်းဆေးဆရာများ၏ ဆေးကုသမှုစွမ်းဆောင်ရည်မြင့်မားရေး  မွမ်းမံသင်တန်း သင်တန်းဖွင့်ပွဲကို အခမ်းအနားကို ယနေ့ ၂၀၂၄ ခုနှစ် ဇွန်လ ၂၅ ရက်နေ့တွင် နေပြည်တော်ရှိ မြန်မာနိုင်ငံတိုင်းရင်းဆေးဆရာအသင်း(ဗဟို) အစည်းအဝေးခန်းမ၌ ကျင်းပခဲ့ပါသည်။