Department of Traditional Medicine

ရခိုင်ပြည်နယ် သံတွဲခရိုင် တိုင်းရင်းဆေးပညာဦးစီးဌာနမှ ခရိုင်တိုင်းရင်းဆေးမှူး​ဒေါ်လှိုင်လေးအောင်သည် ၂-၇-၂၀၂၃ ရက်နေ့တွင် သံတွဲမြို့လင်းသာရပ်ကွက်ငပလီ၌ ကျား-လူကြီး(၄၅)ဦး၊ မ-လူကြီး(၅၅)ဦး၊ ကျား-လူငယ် (၅)ဦး၊ မ-လူငယ်(၁၀)ဦး စုစုပေါင်း(၁၁၅)ဦးအား တိုင်းရင်းဆေးပညာဖြင့် ကွင်းဆင်းဆေးကုသပေးခဲ့ကြောင်းနှင့် လူဦးရေ(၆၀)ဦးအား တိုင်းရင်းဆေးပညာအကြောင်း အသိပညာပေးဟောပြောခဲ့ကြောင်း သိရှိရသည်။

ရခိုင်ပြည်နယ် ကျောက်တော်မြို့  (၁၆)ခုတင်ဆံ့တိုင်းရင်းဆေးရုံ၊ မြို့နယ်တိုင်းရင်းဆေးကုဌာနမှ ဒုတိယတိုင်းရင်းဆေးမှူး ဦးဗိုလ်စံသိန်းနှင့် ဒုတိယတိုင်းရင်းဆေးမှူး  ဦးဇော်ရဲအောင်တို့သည် ကျောက်တော်မြို့၊ ပိုက်သယ်ရပ်ကွက် (ကယ်ဆယ်ရေးစခန်း)၌ ကွင်းဆင်းဆေးကုသမှုပေးခဲ့ရာ လူနာ  ကျား (၃၀)  ဦး၊ မ ( ၇၃)  ဦး၊ စုစုပေါင်း လူနာဦးရေ ( ၁၀၃)  ဦးတို့အား တိုင်းရင်းဆေးဖြင့်  ကျန်းမာရေးစောင့်ရှောက်မှုပေးခဲ့ကြောင်း သိရှိရသည်။

ကရင်ပြည်နယ် ဘားအံမြို့နယ် တိုင်းရင်းဆေးကုဌာနမှ ဒုတိယတိုင်းရင်းဆေးမှူး ဒေါ်ဌေးဌေးနွယ်သည် ၃၀-၆-၂၀၂၃ ရက်နေ့တွင် အ.မ.က(၅)မူလွန်ကျောင်း၌ ကျောင်းကျန်းမာရေးကွင်းဆင်းကုသရေးဆောင်ရွက်ရာတွင် ကျား-ကလေး(၃၀)ဦး၊ မ-ကလေး (၄၂)ဦး စုစုပေါင်း (၇၂)ဦးအား တိုင်းရင်းဆေးဖြင့် ကျန်းမာရေးစောင့်ရှောက် ခဲ့ပါကြောင်း သိရှိရသည်။

ရခိုင်ပြည်နယ်  တိုင်းရင်းဆေးကုဌာန ပြည်နယ်၊ခရိုင်၊ဆေးရုံတို့မှ စစ်တွေမြို့နယ်၊ချောင်းနွယ်ကျေးရွှာဘုန်းတော်ကြီးကျောင်း၌ ပြည်နယ်ကျန်းမာအထူးကုအဖွဲ့များနှင့်ပူးပေါင်း၍ ကွင်းဆင်းဆေးကုသရာကျာလူကြီး ၁၈ ဦး မ လူကြီး ၄၄ ဦးစုစုပေါင်း ၆၂ ဦးအား တိုင်းရင်းဆေးပညာဖြင့် ကျန်းမာရေးစောင့်ရှောက်မှုပေးခဲ့ကြောင်း သိရသည်။

ဧရာဝတီတိုင်းဒေသကြီး ဖျာပုံခရိုင် တိုင်းရင်းဆေးကုဌာနနှင့် ဘိုကလေး၊ ကျိုက်လတ်၊ ဒေးဒရဲမြို့နယ် တိုင်းရင်းဆေးကုဌာနများမှ ဆရာ/ဆရာမများသည် ၂၂-၆-၂၀၂၃ ရက်နေ့တွင်ဖွင့်လှစ်ခဲ့သည့်  ဖျာပုံခရိုင်ဒေသအတွင်း အသေးစား၊အငယ်စားနှင့်အလတ်စား စီးပွားရေးလုပ်ငန်း (MSMEs) ထုတ်ကုန်ပြပွဲနှင့် မိုးရာသီဈေးရောင်းပွဲတော်တွင် တိုင်းရင်းဆေးပညာပေးပြခန်းများပြသခြင်းဆောင်ရွက်ခြင်းနှင့် ဖျာပုံခရိုင်ရှိ တိုင်းရင်းဆေးဝါးထုတ်လုပ်ရေးလုပ်ငန်း(၉)ခုတို့မှ တိုင်းရင်းဆေးဝါးများ ပြသခြင်းရောင်းချခြင်း ဆောင်ရွက်ခဲ့ပြီး ပြပွဲနှင့်ဈေးရောင်းပွဲတော်ကာလမှာ ၂၂-၆-၂၀၂၃ မှ ၂၆-၆-၂၀၂၃ ရက်နေ့အထိ စုစုပေါင်း (၅)ရက်ကြာ ပြသရောင်းချရမည်ဖြစ်ပါကြောင်း သိရသည်။