(၁၂) ကြိမ်မြောက် တိုင်းရင်းဆေးသုတေသနစာတမ်းဖတ်ပွဲကို တိုင်းရင်းဆေးတက္ကသိုလ်၊ မန္တလေး၌ ၂၀၂၃ ခုနှစ် ဇူလိုင်လတွင် ကျင်းပပြုလုပ်ရန် စီစဉ်ဆောင်ရွက်လျက်ရှိပါသည်။ လူကြီးမင်းဌာနမှ တိုင်းရင်းဆေးပညာဆိုင်ရာစာတမ်းများ တင်သွင်းဖတ်ကြားနိုင်ပါရန် အသိပေးဖိတ်ခေါ်အပ်ပါသည်-
ပဲခူးတိုင်းဒေသကြီး ပြည်မြို့နယ် တိုင်းရင်းဆေးကုဌာနမှ မြို့နယ်တိုင်းရင်းဆေးမှူး ဒေါ်သိန်းသိန်းဆွေ နှင့် ခရိုင်ဒုတိယတိုင်းရင်းဆေးမှူး ဒေါ်ပြည့်ပြည့်ဝင်း တို့သည် ၄.၄.၂၀၂၃ ရက်နေ့တွင် ပြည်မြို့ ခေတ္တရာ ဘိုးဘွားရိပ်သာရှိ အဘိုး (၁၀) ဦးနှင့် အဘွား (၇) ဦးတို့အား ကွင်းဆင်းဆေးကုသပေးခြင်း ဆေးမြစ်စုံ လိမ်းဆေးများဖြင့် တိုင်းရင်းဆေးပညာဖြင့် ကျန်းမာရေးစောင့်ရှောက်မှုပေးခဲ့ပါကြောင်းသိရှိရသည်။
ပဲခူးတိုင်းဒေသကြီး ရေတာရှည်မြို့ (၁၆) ခုတင်ဆံ့ တိုင်းရင်းဆေးရုံမှ ဒုတိယတိုင်းရင်းဆေးမှုး ဒေါ်ခင်စန်းလှိူင်နှင့် မြို့နယ်တိုင်းရင်းဆေးကဌာနမှ ဒုတိယတိုင်းရင်းဆေးမှူး ဒေါ်မေနှင်း တို့ပါဝင်သောအဖွဲ့သည် ၄-၄-၂၀၂၃ ရက်နေ့တွင် ပုဂံတောင်ရွှေဂူတောရ စာသင်တိုက်သို့သွားရောက်၍ သီလရှင်ဆရာကြီး/ဆရာလေး (၂၇)ပါး အား တိုင်းရင်းဆေးပညာဖြင့် ကျန်းမာရေးစောင့်ရှောက်မှုပေးခဲ့ပါသည်။
ပဲခူးတိုင်းဒေသကြီး တိုင်းရင်းဆေးပညာဦးစီးဌာန နတ်တလင်းခရိုင် ဇီးကုန်းမြို့နယ် တိုင်းရင်းဆေးကုဌာနမှ မြို့နယ်တိုင်းရင်းဆေးမှူး ဦးအောင်ညို ပါဝင်သောအဖွဲ့သည် ၄-၄-၂၀၂၃ ရက်နေ့တွင် ဇီးကုန်းမြို့ အားကစားခန်းမ၌ ကျင်းပနေသော နွေရာသီအခြေခံအားကစားသင်တန်းမှ "အားကစားပြုလုပ်ခြင်းကြောင့် ရရှိနိုင်သော အကျိုးကျေးဇူးများ"အကြောင်းကို တိုင်းရင်းဆေးပညာဖြင့် ပညာပေးဟောပြောဆောင်ရွက်ရာတွင် သင်တန်းသူသင်တန်းသား(၇၀)ဦးခန့်အား ပို့ချခဲ့ပါကြောင်း သိရှိရပါသည်။
မကွေးတိုင်းဒေသကြီး ရေနံချောင်းမြို့နယ် တိုင်းရင်းဆေးကုဌာနမှ ဆရာ/ဆရာမများသည် ၃-၄-၂၀၂၃ ရက်နေ့တွင် ဓမ္မာစရိယ၊ ပထမပြန် စာမေးပွဲဖြေဆိုကြသည့် သံဃာတော်များ၊ သီလရှင်များကို ကွင်းဆင်းဆေး ကုသခဲ့ကြ စုစုပေါင်းအပါး(၃၀)အား ဆေးကုသပေးခဲ့ပါကြောင်း သိရှိရပါသည်။