the republic of the union of myanmar
ministry of health
Department of Traditional Medicine
တိုင်းရင်းဆေးပညာစဉ်ဆက်မပြတ် ပညာပေးရေးအစီအစဉ် Continuing Traditional Medicine Education Programme (CTME) အခမ်းအနားကို ၂၀၂၃ ခုနှစ်၊ ဇူလိုင်လ (၈) ရက်၊ နံနက် (၀၉း၀၀) နာရီက မကွေးတိုင်းဒေသကြီး၊ မကွေးမြို့၊ ခုတင် (၅၀) ဆံ့ တိုင်းရင်းဆေးရုံတွင် ကျင်းပပြုလုပ်ခဲ့ပါသည်။
အဆိုပါအခမ်းအနားတွင် မြန်မာနိုင်ငံ တိုင်းရင်းဆေးကောင်စီ အလုပ်အမှုဆောင်၊ တိုင်းဒေသကြီး ဦးစီးဌာနမှူး (ငြိမ်း) ဆရာကြီး ဦးဝင်းမြင့်ဦးက သဘာပတိအဖြစ်ဆောင်ရွက်၍ အခမ်းအနားမှူးအဖြစ် မြို့သစ်မြို့နယ် တိုင်းရင်းဆေးကုဌာနမှ လက်ထောက်တိုင်းရင်းဆေးမှူး ဒေါ်ယမင်းသိန်းနှင့် ပေါက်မြို့ (၁၆) ခုတင်ဆံ့ တိုင်းရင်းဆေးရုံမှ အထက်တန်းသူနာပြု ဒေါ်သိင်္ဂီဝင်း တို့ကဆောင်ရွက်ကာ တောင်တွင်းကြီးမြို့နယ် တိုင်းရင်းဆေးကုဌာနမှ မြို့နယ်တိုင်းရင်းဆေးမှူး ဒေါ်ဝေယံမြင့် က ထိပ်ကပ်နာရောဂါ စာတမ်းကို ဖတ်ကြားတင်ပြ ဆွေးနွေးခဲ့ပါသည်။
ရခိုင်ပြည်နယ် ကျောက်တော်မြို့ (၁၆)ခုတင်ဆံ့ တိုင်းရင်းဆေးရုံနှင့် မြိုနယ်တိုင်းရင်းဆေးကုဌာနတို့ပူးပေါင်းပြီး ၈-၇-၂၀၂၃ ရက်နေ့တွင် ကျောက်တော်မြို့ ပိုက်သည်(မူ)အုပ်စုကျေးရွာ၌ ကွင်းဆင်းဆေးကုသမှုဆောင်ရွက်ခဲ့ရာ လူနာကျား(၃၆)ဦး၊ မ(၇၅)ဦး၊ လူနာ စုစုပေါင်း (၁၁၁)ဦးတို့အား တိုင်းရင်းဆေးဖြင့် ကျန်းမာရေးစောင့်ရှောက်မှု ပေးခဲ့ကြောင်းနှင့် ကုသရန်ကျန်ရှိနေသည့် လူနာများအား ၉-၇-၂၀၂၃ ရက်နေ့တွင် အဆိုပါနေရာ၌ ဆက်လက် ဆေးကုသမှုပေးသွားမည်ဖြစ်ကြောင်း သိရှိရသည်။
ရခိုင်ပြည်နယ် ကျောက်တော်မြို့ (၁၆) ခုတင်ဆံ့ တိုင်းရင်းဆေးရုံမှ မိုးရာသီသစ်ပင်စိုက်ပျိုးခြင်း
Fri , Jul 07 2023 - 09 amရခိုင်ပြည်နယ် ကျောက်တော်မြို့ (၁၆) ခုတင်ဆံ့ တိုင်းရင်းဆေးရုံမှ ဆရာ/ဆရာမများသည် ၆-၇-၂၀၂၃ ရက်နေ့တွင် (၁၆) ခုတင်ဆံ့ တိုင်းရင်းဆေးရုံခြံဝင်းအတွင်း၌ မိုးရာသီသစ်ပင်စိုက်ပျိုးခြင်းအတွက် မက်ဒဲရှား (၂၀)ပင်၊ ရေတမာ(၂)ပင်၊ ပေါက်ပန်းဖြူ (၁၀)ပင် စုစုပေါင်း (၃၂)ပင် စိုက်ပျိုးခဲ့ကြောင်း သိရှိရပါသည်။
ရခိုင်ပြည်နယ် မောင်တောမြို့နယ် တိုင်းရင်းဆေးကုဌာနမှ ဒုတိယတိုင်းရင်းဆေးမှူး ဦးဇော်လင်းထွန်းသည် ၅-၇-၂၀၂၃ ရက်နေ့တွင် မောင်တောမြို့ အောင်ဗလကျေးရွာ ဘုန်းတော်ကြီး ကျောင်း၌ ကွင်းဆင်းဆေးကုသခဲ့ရာလူနာ ကျား (၁၀)ဦး၊ မ (၄၃) ဦး၊ စုစုပေါင်း (၅၃) ဦးတို့အား တိုင်းရင်းဆေးပညာဖြင့် ကျန်းမာရေး စောင့်ရှောက်မှု ပေးခဲ့ကြောင်း သိရှိရသည်။
ဧရာဝတီတိုင်းဒေသကြီး၊ ဟင်္သာတခရိုင် ဒေသတွင်း အသေးစား၊ အငယ်စား၊ အလတ်စား စီးပွားရေးလုပ်ငန်းများ (MSMEs) ထုတ်ကုန်ပြပွဲကို ၂၉-၆-၂၀၂၃ ရက်နေ့မှ ၁-၇-၂၀၂၃ ရက်နေ့အထိ ကျင်းပရာတွင် ဧရာဝတီတိုင်း ဒေသကြီး၊ ဟင်္သာတခရိုင် တိုင်းရင်းဆေးပညာဦးစီးဌာနမှူးရုံးမှ အရောင်းပြခန်းအတွင်း ဒေသတွင်း တိုင်းရင်း ဆေးဝါးထုတ်ကုန်များကို ခင်းကျင်းပြသရောင်းချခြင်းများ ဆောင်ရွက်ခဲ့ပါကြောင်းသိရှိရသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။
