the republic of the union of myanmar
ministry of health
Department of Traditional Medicine
ပဲခူးတိုင်းဒေသကြီး တိုင်းရင်းဆေးပညာဦးစီးဌာနမှ တိုင်းရင်းဆေးပညာဖြင့် ပညာပေးဟောပြောပို့ချခြင်း
Wed , Apr 05 2023 - 06 amပဲခူးတိုင်းဒေသကြီး တိုင်းရင်းဆေးပညာဦးစီးဌာန နတ်တလင်းခရိုင် ဇီးကုန်းမြို့နယ် တိုင်းရင်းဆေးကုဌာနမှ မြို့နယ်တိုင်းရင်းဆေးမှူး ဦးအောင်ညို ပါဝင်သောအဖွဲ့သည် ၄-၄-၂၀၂၃ ရက်နေ့တွင် ဇီးကုန်းမြို့ အားကစားခန်းမ၌ ကျင်းပနေသော နွေရာသီအခြေခံအားကစားသင်တန်းမှ "အားကစားပြုလုပ်ခြင်းကြောင့် ရရှိနိုင်သော အကျိုးကျေးဇူးများ"အကြောင်းကို တိုင်းရင်းဆေးပညာဖြင့် ပညာပေးဟောပြောဆောင်ရွက်ရာတွင် သင်တန်းသူသင်တန်းသား(၇၀)ဦးခန့်အား ပို့ချခဲ့ပါကြောင်း သိရှိရပါသည်။
မကွေးတိုင်းဒေသကြီး ရေနံချောင်းမြို့နယ် တိုင်းရင်းဆေးကုဌာနမှ ဆရာ/ဆရာမများသည် ၃-၄-၂၀၂၃ ရက်နေ့တွင် ဓမ္မာစရိယ၊ ပထမပြန် စာမေးပွဲဖြေဆိုကြသည့် သံဃာတော်များ၊ သီလရှင်များကို ကွင်းဆင်းဆေး ကုသခဲ့ကြ စုစုပေါင်းအပါး(၃၀)အား ဆေးကုသပေးခဲ့ပါကြောင်း သိရှိရပါသည်။
မန္တလေးတိုင်းဒေသကြီး ကျောက်ပန်းတောင်းခရိုင် တိုင်းရင်းဆေးကုဌာနမှ ၁.၄.၂၀၂၃ ရက်နေ့ စနေနေ့ နေ့လယ် (၃)နာရီ မှ (၅)နာရီအထိ ကျောက်ပန်းတောင်းမြို့ရှိ အောင်မြေကျောင်းတိုက်၌ ရောဂါကြီး (၆)မျိုးအကြောင်း အသိပညာပေးဟောပြောခဲ့ပြီး အမျိုးသားလူနာ (၂၅)ဦး အမျိုးသမီးလူနာ (၁၄)ဦး စုစုပေါင်း(၃၉)ဦးတို့ အား အခမဲ့ကွင်းဆင်းဆေးကုသမှု့ဆောင်ရွက်ခဲ့ပါကြောင်းသိရှိရပါသည်။
ပဲခူးတိုင်းဒေသကြီး ဖြူးမြို့နယ် တိုင်းရင်းဆေးကုဌာနမှ တိုင်းရင်းဆေးကုဌာနမှ ၁-၄-၂၀၂၃ ရက်နေ့တွင် ဖြူးမြို့သာသနာ့ဗိမာန်၌ ကျင်းပပြုလုပ်သော အစိုးရပါဠိပထမပြန်စာမေးပွဲကျင်းပရာတွင် Medical Cover ဆောင်ရွက်ခဲ့ကြောင်း သိရှိရပါသည်။
ရခိုင်ပြည်နယ် စစ်တွေမြို့ (၅၀)ခုတင်ဆံ့ တိုင်းရင်းဆေးရုံမှ ၃၁-၃-၂၀၂၃ ရက်နေ့တွင် တိုင်းရင်းဆေးပညာ စဉ်ဆက်မပြတ်ပညာပေးရေးအစီအစဉ် CTME သွေးတိုးရောဂါစာတမ်း ခေါင်းစဉ်ဖြင့် ကျင်းပခဲ့ပါသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။
