အဆိုပါ အခမ်းအနားတွင်တွင် သဘာပတိအဖြစ် ဧရာဝတီတိုင်းဒေသကြီး တိုင်းရင်းဆေးဆရာအသင်း ဥက္ကဋ္ဌ ဆရာဦးစိုးဝင်းမှ ဆောင်ရွက်ပြီး အခမ်းအနားမှူးအဖြစ် ပုသိမ်မြို့နယ် တိုင်းရင်းဆေးကုဌာနမှ မြို့နယ် တိုင်းရင်းဆေးမှူး ဒေါ်ပပဝင်းမှ ဆောင်ရွက်ခဲ့ပါသည်။ ပန်းနာရင်ကြပ်ရောဂါစာတမ်းကို ဟသ်ာတခရိုင် လေးမျက်နှာ မြို့နယ်တိုင်းရင်းဆေးကုဌာနမှ မြို့နယ်တိုင်းရင်းဆေးမှူး ဒေါ်ယုဝေစိုးမှ ဖတ်ကြားပြီး တက်ရောက်လာသောဆရာ/ဆရာမများမှ စာတမ်းနှင့်ပတ်သက်၍မေးမြန်းဆွေးနွေးအကြံပြုကြခဲ့ပါသည်။ အဆိုပါအခမ်းအနားသို့ဆရာ/ဆရာမ(၂၅) ဦးတက်ရောက်ခဲ့ကြောင်း သိရသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။