Department of Traditional Medicine

ရခိုင်ပြည်နယ် သံတွဲခရိုင် တိုင်းရင်းဆေးကုဋ္ဌာနမှ ခရိုင်တိုင်းရင်းဆေးမှူး ဒေါ်လှိုင်လေးအောင်သည် ၁၉-၈-၂၀၂၃ ရက်နေ့တွင် စစ်ကြောင်းကြီးငါးကြောင်းဖြင့် သံတွဲမြို့နယ် ရွှေလှေကျေးရွာသို့လိုက်ပါဆောင်ရွက်ခဲ့ပြီး ခရိုင်တိုင်းရင်းဆေးမှူး ဒေါ်လှိုင်လေးအောင်မှ  တိုင်းရင်ဆေးပညာသိကောင်းစရာ သင်္ဘောပင်ကို သုံးစွဲပါခေါင်းစဉ်ဖြင့် လူဦးရေစုစုပေါင်း (၁၅၀)ဦးခန့်ကို တိုင်းရင်းဆေးပညာဖြင့် အသိပညာပေးဟောပြောခဲ့ကြောင်း သိရသည်။

မကွေးတိုင်းဒေသကြီး သရက်ခရိုင် အောင်လံမြို့နယ် တိုင်းရင်းဆေးကုဋ္ဌာနမှ ဒုတိယတိုင်းရင်းဆေးမှူး ဒေါ်ဖြူမာကိုသည် ၁၉-၈-၂၀၂၃ ရက်နေ့တွင် အောင်လံမြို့ ကျွဲ ခြံ ကျောင်းတိုက်၌ သီလရှင် ဆရာလေးများနှင့် လူပုဂ္ဂိုလ် (၂၁) ဦး အား တိုင်းရင်းဆေးပညာဖြင့် အခမဲ့ ကျန်းမာရေး စောင့်ရှောက်မှု ပေးခဲ့ကြောင်း သိရသည်။

ဧရာဝတီတိုင်း​ဒေသကြီး မအူပင်ခရိုင် ပန်းတ​နော်မြို့နယ်တိုင်းရင်း​ဆေးကုဌာနမှ ဆရာ/ဆရာမများသည် (၁၈.၈.၂၀၂၃)ရက်​နေ့တွင် သီတာဦးသီလရှင်စာသင်တိုက်၌ ကွင်းဆင်းကုသရာတွင် မ(၂၂) ဦး အား ကွင်းဆင်းကုသ​ပေးခဲ့ပြီး မီးယပ်ဖြူဆင်း​ရောဂါအ​ကြောင်းသိ​ကောင်းစရာနှင့်​ဆောင်ရန်​ရှောင်ရန်တို့ကို သီလရှင်(၂၂)ဦးအား အသိပညာ​ပေး​ဟော​ပြောခဲ့ကြောင်း သိရှိရသည်။

တနင်္သာရီတိုင်းဒေသကြီး မြိတ်ခရိုင် တိုင်းရင်းဆေးကုဌာနမှ ခရိုင်တိုင်းရင်းဆေးမှူး ဆရာမဒေါ်ဝါဝါဦးဆောင်၍ မြိတ်၂၅ခုတင်ဆံ့ တိုင်းရင်းဆေးရုံတို့ပူးပေါင်းသည့် အဖွဲ့သည် ၁၈-၈-၂၀၂၃ ရက်နေ့တွင် ဘိုးဘွားရိပ်သာ၌ အဘိုးအဘွားများကို တိုင်းရင်းဆေးများဖြင့် ကွင်းဆင်းဆေးကုသမှုများဆောင်ရွက်ခဲ့ကြောင်း သိရသည်။