Department of Traditional Medicine

ဧရာဝတီတိုင်းဒေသကြီး၊ ဟင်္သါတခရိုင်၊ ဇလွန်မြို့နယ်တိုင်းရင်းဆေးကုဌာနမှ (၁၃.၈.၂၀၂၃) ရက်နေ့တွင် ရေတွင်းကုန်းကျေးရွာ ဘုန်းကြီးကျောင်း၌ ကွင်းဆင်းဆေးကုသ မှုဆောင်ရွက်ခဲ့ရာ ကျား=၁၀ဦး၊ မ=၄၄ဦး၊ စုစုပေါင်းလူနာ(၅၅)ဦးအား ကွင်းဆင်းဆေးကုသပေးခဲ့ပြီး မိုးရာသီတွင် ဖြစ်တတ်သောရောဂါများအကြောင်း နှင့် ဆောင်ရန်၊ရှောင်ရန်များ အကြောင်းကို လူဦးရေ (၃၅)ဦး အား ကျန်းမာရေး ပညာပေးဟောပြောခဲ့ကြောင်း သိရသည်။

မန္တလေးတိုင်းဒေသကြီး ကျောက်ဆည်ခရိုင် တိုင်းရင်းဆေးကုဌာနမှ ၁၈-၈-၂၀၂၃ ရက်နေ့တွင် မန္တလေးတိုင်းဒေသကြီး ကျောက်ဆည်ခရိုင် တိုင်းရင်းဆေးကုဌာနမှ ဒုတိယတိုင်းရင်းဆေးမှူး ဒေါ်စုစုဝင်းနှင့်ကျောက်ဆည်မြို့နယ်  တိုင်းရင်းဆေးကုဌာနမှ မြို့နယ်တိုင်းရင်းဆေးမှူးဒေါ်ဆွေဆွေမြင့် တို့ ဦးဆောင်သောအဖွဲ့သည် ကျောက်ဆည်မြို့အမက(၁၀)ကျောင်း၌ ကွင်းဆင်း၍ ကျောင်းသား/ ကျောင်းသူ(၁၁၀)ဦးအား ကျန်းမာရေးပညာပေးဟောပြောခဲ့ပြီး (၇၅)ဦးကိုအခမဲ့ဆေးကုသမှုပေးခဲ့ကြောင်း သိရသည်။

မကွေးတိုင်းဒေသကြီး ခုတင်၅၀ဆံ့တိုင်းရင်းဆေးရုံမှ ဆေးရုံအုပ်ဦးကျော်စိန်၊ တိုင်းရင်းဆေးမှူး ဒေါ်သန္တာနွယ်နှင့် ဒေါ်စောအိအိဖြိုးတို့ဦးဆောင်သော အဖွဲ့သည်(၁၈.၈.၂၀၂၃) ရက်နေ့တွင် သမဝါယမစာရင်း  ရေး၊ စာရင်းကိုင် သက်‌မွေးပညာသင်တန်းကျောင်း၌ ကွင်းဆင်း၍ ပရဆေးပျိုးပင်လှူဒါန်းခြင်း၊ တုပ်ကွေးရောဂါကာကွယ်နည်းများ ဟော‌ပြောခြင်းနှင့် တိုင်းရင်းဆေးတို့ဖြင့်အခမဲ့ကုသခြင်းတို့ကိုပြုလုပ်ခဲ့ပြီး ဟောပြောပွဲတက်ရောက်သူ (၁၃၅)ဦး၊ တိုင်းရင်းဆေးဖြင့်ကုသမှုခံယူသူ ကျား(၃၇)ဦး၊ မ(၈၇)ဦး၊ စုစုပေါင်း(၁၂၄)ဦးတို့ကို တိုင်းရင်းဆေးဖြင့် ကျန်းမာရေးစောင့်ရှောက်မှုပေးခဲ့ကြောင်း သိရသည်။

ရခိုင်ပြည်နယ် ကျောက်တော်မြို့  (၁၆) ခုတင်ဆံ့တိုင်းရင်းဆေးရုံမှ ၁၂-၈-၂၀၂၃ရက်နေ့တွင် ရခိုင်ပြည်နယ် ကျောက်တော်မြို့  (၁၆) ခုတင်ဆံ့ တိုင်းရင်းဆေးရုံမှ ဒုတိယတိုင်းရင်းဆေးမှူး  ဦးဗိုလ်စံသိန်းတို့သည် ကျောက်တော်မြို့နယ် ဝကင်းကျေးရွာ၌ ကွင်းဆင်းဆေးကုသမှုဆောင်ရွက်ခဲ့ရာ လူနာကျားကြီး (၁၄) ဦး၊ မကြီး (၁၀၃) ဦး၊ ကလေးကျား (၁၃) ဦး၊ ကလေးမ (၃)ဦး၊ စုစုပေါင်း (၁၃၃) ဦးအားကျန်းမာရေးစောင့်ရှောက်မှုပေးခဲ့ပြီး တိုင်းရင်းဆေးဖြင့် ကျန်းမာရေးအသိပညာပေးဟောပြောပွဲတွင် လူဦးရေ (၅၇) ဦးတက်ရောက်ခဲ့ပါကြောင်း သိရသည်။