the republic of the union of myanmar
ministry of health
Department of Traditional Medicine
ရန်ကုန်တိုင်းဒေသကြီး၊ အရှေ့ပိုင်းခရိုင်၊ ဒဂုံမြို့သစ်(မြောက်ပိုင်း)မြို့နယ်၊ တိုင်းရင်းဆေးကုဌာနမှ လက်ထောက်တိုင်းရင်းဆေးမှူး ဒေါ်ပိုက်ယဉ်ဝင်း ဦးဆောင်သော ဆေးကုသရေးအဖွဲ့သည် ၁၉.၈.၂၀၂၃ ရက်နေ့တွင် ဒဂုံမြို့သစ် (မြောက်ပိုင်း)မြို့နယ် ၊(၄၂)ရပ်ကွက်၊ မဟာဂန္ဓာရုံကျောင်းတိုက်၌ လိပ်ခေါင်းရောဂါ အကြောင်းသိကောင်းစရာ ခေါင်းစဉ်ဖြင့် ဟောပြောခဲ့ပြီး၊ လူနာ ကျား၁၃ဦး၊ မ၁၄ဦး၊စုစုပေါင်း၂၇ဦးတို့အား တိုင်းရင်းဆေးဖြင့် အခမဲ့ကုသပေးခဲ့ကြောင်း သိရသည်။
ဧရာဝတီတိုင်းဒေသကြီး၊ မအူပင် ခရိုင်၊ ညောင်တုန်း မြို့နယ်တိုင်းရင်းဆေးကုဌာနမှ ၁၇-၈-၂၀၂၃ ရက်နေ့တွင် ကဇန်းလပိုင်းအလယ်တန်းကျောင်း၊ ညောင်တုန်းမြို့၌ ကွင်းဆင်းဆေးကုသခဲ့ရာတွင် ကျား ၁၁၅ဦး၊ မ ၁၀၁ဦး၊ စုစုပေါင်း လူနာ ၂၁၆ ဦးအား ကွင်းဆင်းကုသပေးခဲ့ပြီး ကံစိတ်ဥတု အာဟာရအကြောင်း သိကောင်းစရာ အသိပညာပေးဟောပြောခြင်းနှင့် ဆေးကုသမှုပေးခြင်းအကြောင်းကို လူဦးရေ ၂၀၀ ဦး အားကျန်းမာရေး ပညာပေးဟောပြောခဲ့ကြောင်း သိရသည်။
ဧရာဝတီတိုင်းဒသကြီး၊ မြောင်းမြခရိုင်၊ မော်လမြိုင်ကျွန်းမြို့နယ် တိုင်းရင်းဆေးကုဌာနမှ (၁၄.၈.၂၀၂၃) ရက်နေ့တွင် မိုးမေတ္တာအခမဲ့ဆေးခန်း၌ ကွင်းဆင်းဆေးကုသခဲ့ရာ လူနာကျား (၆) ဦး၊ မ (၂၄)ဦး၊ စုစုပေါင်းလူနာ( ၃၀ )ဦး အား တိုင်းရင်းဆေးဖြင့် ကျန်းမာရေးစောင့်ရှောက်မှုပေးခဲ့ကြောင်း သိရသည်။
မကွေးတိုင်းဒေသကြီး တိုင်းရင်းဆေးပညာဦးစီးဌာန၊ရေနံချောင်းမြို့ (၁၆)ခုတင်ဆံ့တိုင်းရင်းဆေးရုံမှ ဆေးရုံအုပ် ဒေါ်မူမူခင်၊ ဒုတိယတိုင်းရင်းဆေးမှူး ဒေါ်သိန်းသိန်းဝင်းနှင့် ဒေါ်မြင့်မြင့်ကြည်တို့ဦးဆောင်သော အဖွဲ့သည် ၂၀-၈-၂၀၂၃ ရက်နေ့တွင် ရေနံချာင်းမြို့၊ ညောင်လှရပ်ကွက်၊ သူဌေးကုန်းရပ်၊ လင်းလက်မြေပညာဒါနကျောင်း၌ တိုင်းရင်းဆေးပညာဖြင့်အခမဲ့ကွင်းဆင်းဆေးကုသမှုဆောင်ရွက်ရာတွင် ကျား(၂၁)ဦး၊ မ (၃၅)ဦး စုစုပေါင်း(၅၆)ဦး အား ကျန်းမာရေးစောင့်ရှောက်မှုပေးနိုင်ခဲ့ပြီး မိုးရာသီတွင်ဖြစ်ပွားတတ်သော ရောဂါများနှင့် ဆောင်ရန်ရှောင်ရန်များ၊၄င်းရောဂါများနှင့်ပတ်သက်၍ မီးဖိုချောင်သုံးဆေးဖက်ဝင်ပစ္စည်းများနှင့် အသုံးပြုပုံတို့ကို ပညာပေးဟောပြောပွဲသို့တက်ရောက်သူ ( ၅၂ )ဦး ရှိကြောင်း သိရှိရသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။
