Department of Traditional Medicine

ရခိုင်ပြည်နယ် စစ်တွေခရိုင် မြောက်ဦးမြို့နယ်တိုင်းရင်းဆေးကုဌာနမှ ၁၅-၉-၂၀၂၃ ရက်နေ့တွင် မြို့နယ်တိုင်းရင်းဆေးမှူး ဒေါ်သင်းသင်းဌေးနှင့် ပြည်သူ့ကျန်းမာရေးဦးစီးဌာနတို့ပူးပေါင်း၍ တေဇာရမ္မဘက ကျောင်း၌ ကျောင်းကျန်းမာရေးပညာပေးဆောင်ရွက်ခဲ့ရာတွင် ကျားကလေး ၅ ဦး၊ မကလေး ၆ ဦး စုစုပေါင်း ၁၁ ဦး အား ဆေးကုသမှုပေးခဲ့ပြီး ဆေးဝါးများလည်း လှူဒါန်းခဲ့ကြောင်း သိရှိရသည်။

မကွေးတိုင်းဒေသကြီး မကွေးခရိုင် တောင်တွင်းကြီး မြို့နယ်တိုင်းရင်းဆေးကုဌာနမှ မြို့နယ်တိုင်းရင်းဆေးမှူး ဒေါ်ဝေယံမြင့်နှင့်အဖွဲ့သည် စားသုံးသူရေးရာဌာန ပြန်ကြားရေးနှင့်ပြည်သူ့ဆက်ဆံရေးဦးစီး ဌာနတို့နှင့်ပူးပေါင်း၍ ၁၄.၉.၂၀၂၃ ရက်နေ့တွင် မထီစံပြကျေးရွာ အခြေခံပညာအထက်တန်းကျောင်းခွဲ၌ ကျောင်းသား/ကျောင်းသူ  ၂၇ ဦး ဆရာ/ဆရာမ ၉ ဦး စုစုပေါင်း ၃၆ ဦးအား တိုင်းရင်းဆေးဖြင့်အခမဲ့ကွင်းဆင်းဆေးကုသပေးခဲ့ကြောင်း သိရသည်။

ရန်ကုန်တိုင်းဒေသကြီး၊ တောင်ပိုင်းခရိုင်၊ ဒလမြို့နယ်တိုင်းရင်းဆေးကုဌာနမှ မြို့နယ်တိုင်းရင်း‌ဆေးမှူး ဦးတင်ဖြိုးအောင် ဦးဆောင်သောအဖွဲ့သည်   ၁၄-၉-၂၀၂၃ ရက်နေ့၊ ကျန်စစ်သားရပ်ကွက်၊ အောင်တော်မူ ကျောင်းတိုက်ရှိရိပ်သာ၌ တရားစခန်းဝင်ယောဂီများကို တိုင်းရင်းဆေးဖြင့်အခမဲ့ ကွင်းဆင်းဆေးကုသ ပေးခဲ့ရာတွင် လူကြီး ကျား(၁၆)ဦး၊ လူကြီး မ( ၄၂ )ဦး၊ စုစုပေါင်း (၅၈) ဦးအား တိုင်းရင်းဆေးဖြင့် ကျန်းမာရေးစောင့်ရှောက်မှုပေးခဲ့ကြောင်း သိရသည်။

ပဲခူးတိုင်းဒေသကြီး (၁၆) ခုတင်ဆံ တိုင်းရင်းဆေးရုံမှ ပဲခူးတိုင်းဒေသကြီးဦးစီးဌာနမှူး၏ လမ်းညွှန်မှုဖြင့် (၁၄.၉.၂၀၂၃) ရက်နေ့တွင် ကြို့ပင်ကောက်မြို့ (၁၆)ခုတင်ဆံတိုင်းရင်းဆေးရုံမှ ဒုတိယတိုင်းရင်းဆေးမှူး ဒေါ်ဆွေဇင်ဖြိုး၊ ဒုတိယတိုင်းရင်းဆေးမှူး ဒေါ်ဇင်ဇာလီထက်၊ အငယ်တန်းစာရေး (၃)ဦး တို့သည် ရွှေကြို့မြေ ဘိုးဘွားရိပ်သာ၌ အခမဲ့ကွင်းဆင်းဆေးကုသမှု ဆောင်ရွက်ရာတွင် လူနာဦးရေကျား (၁၈)ဦး၊ မ ( ၂၁)ဦး စုစုပေါင်း (၃၉)ဦး တို့အားဆေးကုသမှုပေးခဲ့ကြောင်း သိရသည်။