Department of Traditional Medicine

ရန်ကုန်တိုင်းဒေသကြီး တောင်ပိုင်းခရိုင် ခရမ်းမြို့နယ် တိုင်းရင်းဆေးကုဌာနမှ မြို့နယ်တိုင်းရင်းဆေးမှုး ဒေါ်လှမြတ်ထက် ဦးဆောင်သောအဖွဲ့သည် ၁၂.၇.၂၀၂၃ ရက်နေ့ နံနက် ၉ နာရီမှ ၁၂:၀၀ နာရီအထိ၊ အထက - ၁၊ ခရမ်းမြို့၌ ကျောင်းကျန်းမာရေးစစ်ဆေးပေးခဲ့ပြီး  ကုသခံ ဦးရေမှာ ကလေး ကျား (၁၈) ဦး၊ ကလေး မ (၁၅) ဦး၊ စုစုပေါင်း (၃၃) ဦးအား ဆေးကုသမှုပေးခဲ့ပြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ခရမ်းမြို့နှင့် ပူးပေါင်း၍ လူငယ်အသိပညာပေးဟောပြောပွဲတွင် ကျန်းမာရေးအသိပညာပေးခြင်းအနေဖြင့် မြို့နယ်တိုင်းရင်း ဆေးမှုး ဒေါ်လှမြတ်ထက်မှ တိုင်းရင်းဆေးဝါးဝယ်ယူသုံးစွဲသူများသိကောင်းစရာအချက်များကို ကျောင်းသား/ ကျောင်းသူ (၁၅၀) ဦးအား တိုင်းရင်းဆေးပညာဖြင့်အသိပညာပေးဟောပြောခဲ့ကြောင်းသိရှိရသည်။

ပဲခူးတိုင်းဒေသကြီး တိုင်းရင်းဆေးပညာဦးစီးဌာန တိုင်းဒေသကြီးဦးစီးဌာနမှူး၏ လမ်းညွှန်မှု့ဖြင့် ပြန်ကြားရေးနှင့်ပြည့်သူ့ဆက်ဆံရေးဦးစီးဌာန အားကစားနှင့်လူငယ်​ရေးရာဦးစီးဌာန စားသုံးသူ​ရေးရာဦးစီးဌာန တို့နှင့်ပူးပေါင်း၍ ရွှေတောင်မြို့နယ်တိုင်းရင်းဆေးကုဌာနမှ ရွှေတောင်မြို့နယ်တိုင်းရင်းဆေးကုဌာနမှ မြို့နယ်တိုင်းရင်းဆေးမှူး ဒေါ်နီလာမြင့်သည် ၁၂-၇-၂၀၂၃ ရက်နေ့တွင် ရွေတောင်မြို့နယ် ဝါးလယ်ကျေးရွာရှိ အ.မ.က(ဝါးလယ်)ကျောင်း၌ အဆုတ်​လေပြွန်​ရောင်​ရောဂါအ​ကြောင်းကို ​ကျောင်းသား​/ကျောင်းသူ (၄၅)ဦးအား ကျန်းမာ​ရေးအသိပညာပေး ​ဟော​ပြောခဲ့ကြောင်း သိရှိရသည်။

ပဲခူးတိုင်းဒေသကြီး တိုင်းဒေသကြီးဦးစီးဌာနမှူး၏လမ်းညွှန်မှုဖြင့် (၂၅)ခုတင်ဆံ့ ပြည်တိုင်းရင်းဆေးရုံမှ ဆေးရုံအုပ် ဒေါ်သူဇာမြင့်နှင့် အငယ်တန်းစာရေး ဒေါ်ဝေမာလွင်သန်းတို့သည် ၁၁-၇-၂၀၂၃  ရက်နေ့ နေ့လယ်(၂) နာရီတွင် ပြည်မြို့န၀င်းရပ်ကွက်ရှိ န၀င်းဝါဆိုကျောင်းတိုက်၌ သံဃာ(၁၇)ပါး သီလရှင်(၇)ပါး စုစုပေါင်း (၂၄)ပါးတို့အား တိုင်းရင်းဆေးဖြင့်ကျန်းမာရေးစောင့်ရှောက်မှုပေးခဲ့ကြောင်း သိရှိရသည်။

တနင်္သာရီတိုင်းဒေသကြီး မြိတ်ခရိုင် တိုင်းရင်းဆေးပညာဦးစီးဌာနမှူးရုံးနှင့် (၂၅)ခုတင်ဆံ့ မြိတ်တိုင်းရင်းဆေးရုံတို့ ပူးပေါင်း၍ ၇-၇-၂၀၂၃ ရက်နေ့တွင်  ဘိုးဘွားရိပ်သာ၌ အဘိုးအဘွားများကို တိုင်းရင်းဆေးဖြင့် အခမဲ့ကွင်းဆင်း ဆေးကုသမှုပေးခဲ့ကြောင်းသိရှိရသည်။