Department of Traditional Medicine

ရခိုင်ပြည်နယ် စစ်တွေမြို့ ခုတင် (၅၀) ဆံ့တိုင်းရင်းဆေးရုံ နှင်မြို့နယ်တိုင်းရင်းဆေးကုဌာနတို့ပူးပေါင်း၍ ၁၅- ၇- ၂၀၂၃ ရက်နေ့တွင် စစ်တွေမြို့နယ် သဲချောင်းကျေးရွာ၌ ကွင်းဆင်းဆေးကုသခဲ့ရာ လူနာကျားလူကြီး (၂၉) ဦး၊ မလူကြီး (၇၀) ဦး၊ကလေးကျား (၁၄) ဦး၊ ကလေးမ (၁၅) ဦး၊ စုစုပေါင်း  (၁၂၈) ဦးတို့အားတိုင်းရင်းဆေးပညာဖြင့် ကျန်းမာရေးစောင့်ရှောက်မှုပေးခဲ့ကြောင်းသိရှိရသည်။

မကွေးတိုင်းဒေသကြီး ချောက်ခရိုင် ရေနံချောင်းမြို့ (၁၆)ခုတင်ဆံ့ တိုင်းရင်းဆေးရုံမှ ဆေးရုံအုပ် ဒေါ်မူမူခင်နှင့် ဒုတိယတိုင်းရင်းဆေးမှူး ဒေါ်သိန်းသိန်းဝင်းတို့ပါဝင်သော အဖွဲ့သည် (၁၃.၇.၂၃)ရက်နေ့တွင် ရေနံချောင်းမြို့သစ် တပွေရပ်အေးသီတာဘိုးဘွားရိပ်သာ၌ အဘိုး/ အဘွား(၂၄)ဦးအား တိုင်းရင်းဆေးပညာ ဖြင့်အခမဲ့ ကျန်း မာရေးစောင့်ရှောက်မှုပေးခဲ့ကြောင်း သိရှိရသည်။

ဧရာဝတီတိုင်းဒေသကြီး မြောင်းမြခရိုင် လပွတ္တာမြို့နယ် တိုင်းရင်းဆေးကုဌာနမှ ဆရာ/ဆရာမများသည် (၈-၇-၂၀၂၃) ရက်နေ့တွင် အမှတ်(၉)ရက်ကွက်၌ လူနာကျား (၁၇)ဦး၊ မ(၂၈)ဦး၊ စုစုပေါင်း(၄၅)ဦးအား တိုင်းရင်းဆေးပညာဖြင့် အခမဲ့ကွင်းဆင်းဆေးကုသမှုများ ဆောင်ရွက်ခဲ့ကြောင်းသိရှိရသည်။

ရခိုင်ပြည်နယ် တိုင်းရင်းဆေးပညာဦးစီးဌာန ပုဏ္ဏားကျွန်းမြို့နယ် တိုင်းရင်းဆေးကုဌာနမှ မြို့နယ်တိုင်းရင်းဆေးမှူး သည် လက်ဝဲစာတိုက်ကျေးရွာရှိ ပြည်သူလူထု (၁၉၁)ဦးအား တိုင်းရင်း​​ဆေးဖြင့် ဝမ်းလျှော ဝမ်းပျက်ရောဂါ ကြိုတင်ကာကွယ်ရေး ပညာပေးဟောပြောခဲ့ကြောင်း သိရှိရသည်။