Department of Traditional Medicine

ရှမ်းပြည်နယ် ဗုဒ္ဓတက္ကသိုလ် ပရပိုက်စာပေအထူးပြု တတိယနှစ်ကျောင်းသားများသည် ခုတင်(၅၀)ဆံ့တိုင်းရင်းဆေးရုံ အေးသာယာ တောင်ကြီးသို့ ၂၄.၆.၂၀၂၂ ရက်နေ့ နေ့လယ် (၁း၀၀)နာရီအချိန်တွင် လာရောက်လေ့လာခဲ့ပါသည်။

ကျန်းမာရေးဝန်ကြီးဌာန၊ တိုင်းရင်းဆေးပညာဦးစီးဌာန၊ ရှမ်းပြည်နယ်ဦးစီးဌာနမှူး ဦး​ဆောင်မှုဖြင့် ​ခုတင်(၅၀)ဆံ့ အေးသာယာ(​တောင်ကြီး) တိုင်းရင်း​ဆေးရုံ​ ဆေးရုံအုပ်​ဒေါ်ချိုနှင့် ဆရာမများမှ ရှမ်းပြည်နယ် ဗုဒ္ဓတက္ကသိုလ်ရှိ သံဃာ၊ သီလရှင်နှင့် လူပုဂ္ဂိုလ် (၁၃၈) ဦး တို့အား တိုင်းရင်းဆေးပညာဖြင့် ကျန်းမာရေးစောင့်ရှောက်​​ဆေးကုသမှုပေးခြင်း နှင့် ပညာ​ပေးခြင်းများ ​ဆောင်ရွက်ခဲ့ကြပါသည်။

ကျန်းမာရေးဝန်ကြီးဌာန၏လမ်းညွှန်မှု၊ တိုင်းရင်းဆေးပညာဦးစီးဌာန၏ကြီးကြပ်စီစဉ်ပေးမှု တို့ဖြင့် ခုတင်(၁၀၀)ဆံ့တိုင်းရင်းဆေးရုံကြီး နေပြည်တော်မှ ဒုတိယဆေးရုံအုပ်ဦးဆောင်၍ ကုသရေးဝန်ထမ်း(၇)ဦးတို့သည် နေပြည်တော် ပုဗ္ဗသီရိမြို့နယ် ကိုးရွာသပြေကုန်းကျေးရွာအုပ်စု ကိုးရွာ သပြေကုန်းကျေးရွာသို့ တိုင်းရင်းဆေးပညာဖြင့် ကွင်းဆင်းသွားဆေးကုသခဲ့ပါသည်။ ယင်းကျေးရွာနှင့်အနီးပတ်ဝန်းကျင် ကျေးရွာနေ ပြည်သူများအား ယနေ့ နံနက် (၉:၀၀) နာရီမှ (၁၂:၀၀) နာရီထိ တိုင်းရင်းဆေးပညာဖြင့်အခမဲ့ ဆေးကုသမှုပေးခြင်း၊  မျက်နှာအကာ (face  Mask)  များ ဝေငှခြင်းတို့ ဆောင်ရွက်ခဲ့ပါသည်။

ရွှေဘိုခရိုင်တိုင်းရင်း​ဆေးကုဌာနနှင့်(၂၅)ခုတင်ဆံ့တိုင်းရင်း​ဆေးရုံ​ရွှေဘိုမြို့တို့ ပူ​ပေါင်း၍ ကွင်းဆင်းဆေးကုသခြင်း