Department of Traditional Medicine

ရန်ကုန်တိုင်းဒေသကြီး၊ တောင်ပိုင်းခရိုင်၊ ဒလမြို့နယ် တိုင်းရင်းဆေးကုဌာနမှ မြို့နယ်တိုင်းရင်းဆေးမှူး ဦးတင်ဖြိုးအောင် ဦးဆောင်သောအဖွဲ့သည် ၁၅-၈၊-၀၂၃ ရက်နေ့၊ ၁၁/၁၄ ရပ်ကွက်ရှိ ရပ်ကွက်အုပ်ချုပ်ရေးမှူးရုံး၌ ရပ်ကွက်ရှိ ပြည်သူများကို တိုင်းရင်းဆေးဖြင့် အခမဲ့ ကွင်းဆင်းဆေးကုသပေးခဲ့ပြီး ဒလမြို့နယ် မိခင်နှင့်ကလေးစောင့်ရှောက်ရေးအသင်း၊  ဥက္ကဌ ဒေါ်သီသီမြင့်ဦးဆောင်သောအဖွဲ့၀င်များမှ ကွင်းဆင်း ဆေးကုသရာတွင်လိုအပ်သည်များကို ကူညီဆောင်ရွက်ပေးခဲ့ပါကြောင်းနှင့် ကွင်းဆင်းကုသပေးခဲ့သော လူနာဦးရေမှာ လူကြီး ကျား(၂၃)ဦး၊လူကြီး မ(၈၃)ဦး၊ စုစုပေါင်း-  (၁၀၆) ဦး တို့ကို တိုင်းရင်းဆေးဖြင့် ကျန်းမာရေးစောင့်ရှောက်မှုပေးခဲ့ပြီး မြို့နယ်တိုင်းရင်းဆေးမှူးဦးတင်ဖြိုးအောင်မှ သွေးတိုးရောဂါအကြောင်းနှင့် ဆောင်ရန်၊ ရှောင်ရန်များကို တိုင်းရင်းဆေးပညာအမြင်ဖြင့် ကျန်းမာရေးအသိပညာပေးဟောပြောခဲ့ကြောင်း သိရှိရသည်။

ကျန်းမာရေးဝန်ကြီးဌာန တိုင်းရင်းဆေးပညာဦးဌာန ရန်ကုန်တိုင်းဒေသကြီး တိုင်းရင်းဆေးပညာဦးစီးဌာန၏ စီစဉ်ညွန်ကြားမှုဖြင့် တောင်ပိုင်းခရိုင် ကျောက်တန်းမြို့နယ်  တိုင်းရင်းဆေးကုဌာနမှ မြို့နယ်တိုင်းရင်းဆေးမှူး ဒေါ်သူဇာလွင်နှင့် လက်ထောက်တိုင်းရင်းဆေးမှူး ဒေါ်အေးမြတ်စိုးတို့သည် ၁၄.၈.၂၀၂၃ရက်နေ့တွင် ကျောက်တန်းမြို့နယ်အ.မ.ကစံချိန်မှီကျောင်း၌ တိုင်းရင်းဆေးပညာဖြင့် ကျောင်းကျန်းမာရေး ဆေးကုသမှု ပြုလုပ်ခဲ့ပြီး တိုင်းရင်းဆေးပညာဖြင့် နှာစေးချောင်းဆိုး/ ရင်ကြပ်/အဖျား/ယားနာရောဂါတို့အား ကုသပေးခဲ့ရာ လူနာကလေးကျား(၆၇)ဦးကလေးမ(၇၆)ဦးစုစုပေါင်း(၁၄၃)ဦးတို့အား တိုင်းရင်းဆေး အခမဲ့ဆေး ဆေးကုသပေးခဲ့ပါကြောင်း သိရှိရသည်။

မန္တလေးတိုင်းဒေသကြီး ကျောက်ဆည်ခရိုင် မြစ်သားမြို့နယ် တိုင်းရင်းဆေးကုဌာနမှ မြို့နယ်တိုင်းရင်းဆေးမှူး ဒေါ်စိုပြေဝင်း ဦးဆောင်သောအဖွဲ့သည် ၁၄-၈၂၀၂၃ ရက်နေ့တွင် မြစ်သားမြို့နယ် ကြီးတော်ကုန်း မူလတန်းလွန်ကျောင်း၌ ကွင်းဆင်းဆေးကုသခဲ့ရာကျောင်းသား/သူ(၈၀)ဦးကို ကျန်းမာရေးပညာပေး ဟောပြော ခဲ့ပြီး (၆၀)ဦးအား ကျန်းမာရေးစောင့်ရှောက်မှုပေးခဲ့ကြောင်း သိရသည်။

ပဲခူးတိုင်းဒေသကြီး တိုင်းရင်းဆေးပညာဦးစီးဌာန တိုင်းဒေသကြီးဦးစီးဌာနမှူး၏လမ်းညွှန်မှုဖြင့် ပြည်ခရိုင်​ ရွှေ​တောင်မြို့နယ် တိုင်းရင်းဆေးကုဌာနမှ ၁၄.၈.၂၀၂၃ ရက်နေ့တွင် ပြည်ခရိုင်​ ရွှေ​တောင်မြို့နယ် တိုင်းရင်းဆေး ကုဌာနမှ မြို့နယ်တိုင်းရင်းဆေးမှူး ဒေါ်နီလာမြင့်နှင့် ဒေါ်ဇာဇာအောင် လက်ထောက်တိုင်းရင်းဆေးမှူးတို့သည် ​ရွှေ​တောင်မြို့နယ် ပြည်သူ့ဆက်ဆံ​ရေးနှင့် ပြန်ကြား​ရေးဦးစီးဌာန စားသုံးသူ​ရေးရာဦးစီးဌာန အားကစားနှင့် ကာယပညာဦးစီးဌာနတို့ ပူး​ပေါင်း၍ ရွှေတောင်မြို့နယ် နွားမယံကျေးရွာရှိ အမက နွားမယံကျောင်း၌ ဝမ်းပျက် ဝမ်းလျောရောဂါအကြောင်း ကျောင်းသား/ကျောင်းသူ (၇၅)ဦးတို့အား အသိပညာပေးဟောပြောပြီး ရွှေတောင်မြို့နယ် ပုတ္တန်းကျေးရွာရှိ အမက ပုတ္တန်း၌ ကျောင်းသား/ကျောင်းသူ (၇၈)ဦးတို့အား မျက်စိရောဂါနှင့် တိုင်းရင်း​ဆေးပညာအ​ကြောင်း​အသိပညာ​ပေး​ဟော​ပြောပြီး ကျား(၃၃)မ (၃၇)ဦး စုစု​ပေါင်း(၇၀)ဦးတို့အား တိုင်းရင်း​ဆေးပညာဖြင့် ကျန်းမာရေးစောင့်ရှောက်မှု့ပေးခဲ့ကြောင်း သိရသည်။