Department of Traditional Medicine

ရန်ကုန်တိုင်းဒေသကြီး ခုတင်(၁၀၀)ဆံ့တိုင်းရင်းဆေးရုံ၊ ရန်ကုန်မှ အကြီးတန်းတိုင်းရင်းဆေးမှူး ဒေါ်သန်းသန်းအေး ဦးဆောင်ပြီး ဒုတိယတိုင်ရင်းဆေးမှူး ဒေါ်မိတင်တင်ဦး ၊ အငယ်တန်းစာရေး ဒေါ်ကြူကြူဝင်း တို့ပါဝင်သောအဖွဲ့သည် (၁၃.၁၁.၂၀၂၃) ရက်နေ့ (တနင်္လာနေ့)တွင် ရန်ကုန်တိုင်းဒေသကြီး မရမ်းကုန်းမြို့နယ် လူမှုဝန်ထမ်းဦးစီးဌာန သက်ကြီးရွယ်အိုများနေ့ပိုင်းစောင့်ရှောက်ရေးဂေဟာ၌ နံနက်(၉)နာရီမှ ညနေ(၃)နာရီထိ ကွင်းဆင်းဆေးကုသမှု   ဆောင်ရွက်ပေးခဲ့ရာ လူနာကျား (၂၁)ဦး မ (၁၅)ဦး စုစုပေါင်း (၃၆)ဦးတို့အား အခမဲ့ ကွင်းဆင်းဆေးကုသမှုဆောင်ရွက်ပေးခဲ့ကြောင်း သိရသည်။

ရခိုင်ပြည်နယ်၊ စစ်တွေမြို့ ခိုင်သဇင်ခန်းမ၌ (၁၀.၁၁.၂၀၂၃) နေ့တွင် ကျင်းပပြုလုပ်သော Youth And Health Forum တွင် တိုင်းရင်းဆေးပညာဦးစီးဌာနမှ ပါဝင်ပူးပေါင်းဆောင်ရွက်မှု ပြုလုပ်ခဲ့ကြောင်းသိရသည်။

အိန္ဒိယကောင်စစ်ဝန်ရုံးတွင် ကျင်းပပြုလုပ်သော အာယုဗ္ဗေဒအခမ်းအနားသို့ ဖိတ်ကြားချက်အရ (၁၀.၁၁.၂၀၂၃)နေ့တွင် ရခိုင်ပြည်နယ်တိုင်ရင်းဆေးပညာဦးစီးဌာနမှ ဝန်ထမ်းများအခမ်းအနားတက်ရောက်မှု မှတ်တမ်းနှင့် ပြည်နယ်ဦးစီးဌာနမှုးမှ အာယုဗ္ဗေဒအကြောင်းနှင့်ဆေးရုံ /ဆေးခန်းသုံး ဆေးဝါးများ၏အာနိသင်နှင့် အသုံးပြုပုံများအားရှင်းလင်းဆွေးနွေးခဲ့ကြောင်း သိရသည်။

ပဲခူးတိုင်းဒေသကြီး ဦးစီးဌာနမှူး၏လမ်းညွှန်မှုဖြင့် ၁၂.၁၁.၂၀၂ ၃ရက်နေ့ နံနက် ၁၀နာရီတွင် (၂၅)ခုတင်ဆံ့ ပြည်တိုင်းရင်းဆေးရုံတွင် တိုင်းရင်းဆေးပညာစဉ်ဆက်မပြတ်ပညာပေးရေး အစီအစဉ် (CTME) ပန်းနာရင်ကြပ် ရောဂါစာတမ်းအား ဖတ်ကြားဆွေးနွေးခဲ့ပါသည်။