၁၀-၈-၂၀၁၈ ရက်နေ့တွင် တိုင်းရင်းဆေးပညာဦးစီးဌာနမှ ခေတ္တညွှန်ကြားရေးမှူးချုပ် ဦးကျော်သိန်းဌေးသည် မန္တလေးမြို့ရှိ တိုင်းရင်းဆေးတက္ကသိုလ်ရှိ ဆရာ/ဆရာမများ၊ ဝန်ထမ်းများနှင့်တွေ့ဆုံဆွေးနွေးခဲ့ပါသည်။
၁၀-၈-၂၀၁၈ ရက်နေ့တွင် တိုင်းရင်းဆေးပညာဦးစီးဌာနမှ ခေတ္တညွှန်ကြားရေးမှူးချုပ် ဦးကျော်သိန်းဌေးသည် မန္တလေးမြို့ရှိ တိုင်းရင်းဆေးတက္ကသိုလ်ရှိ ကျောင်းသား/ကျောင်းသူများနှင့် ချစ်ကြည်ရင်းနှီးခင်မင်စွာ တွေ့ဆုံနှုတ်ဆက်ခဲ့ပါသည်။
၉-၇-၂၀၁၈ ရက်နေ့တွင် ဧရာဝတီတိုင်းဒေသကြီး မော်လမြိုင်ကျွန်းမြို့(၁၆)ခုတင်ဆံ့ တိုင်းရင်းဆေးရုံတွင် ငွေကျပ် ၅၀၀၀၀၀ (ကျပ်ငါးသိန်းတိတိ)တန်ဖိုးရှိ ရေသန့်စက်(၁)စုံကို လ/ထတိုင်းရင်းဆေးမှူးများဖြစ်သော ဒေါ်ခက်ခက်မာနှင့် ဒေါ်ထက်ထက်လင်းမိသားစုများနှင့် ရန်ကုန်မြို့မှ ကိုသားကြီးတို့စုပေါင်း၍ လှူဒါန်းခဲ့ပါသည်။
ဧရာဝတီတိုင်းဒေသကြီး တိုင်းရင်းဆေးပညာဦးစီးဌာန၊ ပုသိမ်မြို့နယ် (၁၆) ခုတင်ဆံ့ တိုင်းရင်းဆေးရုံနှင့် ဧရာဝတီတိုင်းဒေသကြီးတိုင်းရင်းဆေးဆရာအသင်း(ခွဲ) တို့ပူးပေါင်း၍ (၁၅.၇.၂၀၁၈) ရက်နေ့တွင် ဧရာဝတီတိုင်းဒေသကြီးကန်ကြီးထောင့်မြို့နယ်၊ ညောင်ချောင်းကျေးရွာရှိ ပြည်သူလူထုအား ကျန်းမာရေးစောင့်ရှောက်မှုပေးရာတွင် တိုင်းရင်းဆေးပညာဖြင့် ကျန်းမာရေး အသိပညာပေး ဟောပြောခြင်းနှင့် ကွင်းဆင်းဆေးကုသမှုပေးခြင်းတို့ ဆောင်ရွက်ပေးခဲ့ပါသည်။
ကရင်ပြည်နယ်၊ ကော့ကရိတ်ခရိုင်၊ ခရိုင်ဦးစီးဌာနမှူး၏ လမ်းညွှန်မှုဖြင့် ခရိုင်ဦးစီးဌာနမှ ဆရာမ (၁)ဦး၊ ကော့ကရိတ်မြို့နယ် တိုင်းရင်းဆေးကုဌာနမှ ဆရာမ(၂)ဦး၊ အငယ်တန်းစာရေး(၁)ဦး တို့သည် ကော့ကရိတ်မြို့နယ်၊ အံဖကြီးကျေးရွာအုပ်စုသို့ (၁၈.၇.၂၀၁၈)ရက်နေ့တွင် သွားရောက်၍ တိုင်းရင်းဆေးပညာဖြင့် ကွင်းဆင်းဆေးကုသမှုပေးခြင်း၊ ကျောင်းကျန်းမာရေးအသိပညာပေး ဟောပြောခြင်းများ ဆောင်ရွက်ခဲ့ပါသည်။