Department of Traditional Medicine

ရခိုင်ပြည်နယ်၊ ကျောက်ဖြူခရိုင်၊ ရမ်းဗြဲမြို့နယ်တိုင်းရင်းဆေးကုဌာနမှ လက်ထောက်တိုင်းရင်းဆေးမှူး ဒေါ်ခင်လင်းရွှေသည် (၂၉-၆-၂၀၂၃)ရက်နေ့တွင် အောင်ဓမ္မဗိမာန်ဓမ္မာရုံ၌ ရမ်းဗြဲမြို့နယ်ရှိ ပြည်သူလူထုများအား ကွင်းဆင်းဆေးကုသခဲ့ရာ ကျား (လူကြီး )(၃၈)ဦး၊ မ (လူကြီး )(၁၂၈)ဦး ကျား (ကလေး ) (၃)ဦး၊ မ (ကလေး )(၂)ဦး စုစုပေါင်း (၁၇၁)ဦး အား တိုင်းရင်းဆေးဖြင့် ကျန်းမာရေးကွင်းဆင်းဆေးကုသမှု့ ဆောင်ရွက်ခဲ့ပါကြောင်း  သိရှိရသည်။

ဧရာဝတီတိုင်း​ဒေသကြီး၊ မအူပင်ခရိုင်၊ ​မအူပင်မြို့နယ်တိုင်းရင်း​ဆေးကုဌာနမှ ​ဆရာ/ဆရာမများသည် ၁၇-၆-၂၀၂၃ ရက်နေ့တွင် အိမ်ယာကြီးကျေးရွာ၌ ကွင်းဆင်း​ဆေးကုသရာတွင် ကျား(၁၇)ဦး၊ မ(၁၈)ဦး စုစု​ပေါင်းလူနာ (၃၅)ဦးအား တိုင်းရင်းဆေးပညာဖြင့် ကွင်း​ဆင်းကုသ​ပေးခဲ့ပါကြောင်းနှင့် ဝမ်းပျက်ဝမ်းလျော​ရောဂါဆောင်ရန်၊ ​ ​ရှောင်ရန်များကို လူဦးရေ (၄၂)ဦး အား တိုင်းရင်းဆေးပညာဖြင့် ကျန်းမာ​ရေးပညာ​ပေး​ဟော​ပြောခဲ့ပါကြောင်း သိရှိ ရသည်။

ဧရာဝတီတိုင်းဒေသကြီး ပုသိမ်ခရိုင် ကျုံပျော်မြို့ နယ် တိုင်းရင်းဆေးကုဌာနမှ ဆရာ/ဆရာမများသည် (၁၉.၆.၂၀၂၃)ရက်နေ့တွင် ကရင်တောကြီးကျေးရွာ၌ ကွင်းဆင်းဆေးကုသဆောင်ရွက်ရာတွင် လူနာ ကျား (၃၅)ဦး၊   မ (၁၉)ဦး စုစုပေါင်း  လူနာ (၅၄)ဦး အား တိုင်းရင်းဆေးပညာဖြင့် ကွင်းဆင်းဆေးကုသခဲ့ပါကြောင်း သိရသည်။

ဧရာဝတီတိုင်းဒေသကြီး ဖျာပုံခရိုင် တိုင်းရင်းဆေးကုဌာနနှင့် ဘိုကလေး၊ ကျိုက်လတ်၊ ဒေးဒရဲမြို့နယ် တိုင်းရင်းဆေးကုဌာနများမှ ဆရာ/ဆရာမများသည် ၂၂-၆-၂၀၂၃ ရက်နေ့တွင်ဖွင့်လှစ်ခဲ့သည့်  ဖျာပုံခရိုင်ဒေသအတွင်း အသေးစား၊အငယ်စားနှင့်အလတ်စား စီးပွားရေးလုပ်ငန်း (MSMEs) ထုတ်ကုန်ပြပွဲနှင့် မိုးရာသီဈေးရောင်းပွဲတော်တွင် တိုင်းရင်းဆေးပညာပေးပြခန်းများပြသခြင်းဆောင်ရွက်ခြင်းနှင့် ဖျာပုံခရိုင်ရှိ တိုင်းရင်းဆေးဝါးထုတ်လုပ်ရေးလုပ်ငန်း(၉)ခုတို့မှ တိုင်းရင်းဆေးဝါးများ ပြသခြင်းရောင်းချခြင်း ဆောင်ရွက်ခဲ့ပြီး ပြပွဲနှင့်ဈေးရောင်းပွဲတော်ကာလမှာ ၂၂-၆-၂၀၂၃ မှ ၂၆-၆-၂၀၂၃ ရက်နေ့အထိ စုစုပေါင်း (၅)ရက်ကြာ ပြသရောင်းချရမည်ဖြစ်ပါကြောင်း သိရသည်။