Department of Traditional Medicine

ရန်ကုန်တိုင်းဒေသကြီး၊ တောင်ပိုင်းခရိုင်၊ ဒလမြို့နယ်တိုင်းရင်းဆေးကုဌာနမှ မြို့နယ်တိုင်းရင်းဆေးမှူး ဦးတင်ဖြိုးအောင် ဦးဆောင်သော ကွင်းဆင်းအဖွဲ့သည်( ၆ - ၆ -၂ဝ၂၃ )ရက်နေ့ အဂ်ါနေ့၊ နေ့လယ် (၁ဝးဝဝ) နာရီ မှ (၀၁းဝဝ) နာရီအထိ ၊ ပျော်ဘွယ်ကြီး စံပြကျေးရွာ၊ လယ်တီမူ - အနာဂါမ် ဆရာသက်ကြီး ၊ ကမ္မဌာန်းရိပ်သာ၌  သံဃာတော်များနှင့် တရားစခန်းဝင် ယောဂီ လူကြီး( ကျား ) - ၁၁ ဦး ၊ လူကြီး( မ ) - ၉ ဦး ၊ စုစုပေါင်း ( ၂ဝ ) ဦး တို့အား တိုင်းရင်းဆေးဖြင့် အခမဲ့ ကျန်းမာရေး စောင့်ရှောက်ပေးခဲ့ကြောင်း သိရှိရပါသည်။

ဧရာဝတီတိုင်း​ဒေသကြီး၊ ဖျာပုံခရိုင်တိုင်းရင်း​ဆေးကုဌာနမှ  ၃၀-၅-၂၀၂၃ ရက်​နေ့တွင် ဖျာပုံခရိုင်စားသုံးသူ​ရေးရာ ဦးစီးဌာနမှ ဦးစီးကျင်းပ​သော တရားမဝင်​ဆေးဝါးများ ​ရောင်းချခြင်းမပြု​ရေး အသိပညာ​ပေး​ဆွေး​နွေး​ဟော​ပြောပွဲ၌ ​ဖျာပုံမြို့​ပေါ်ရှိ ဆေးဝါးအ​ရောင်းဆိုင်ပိုင်ရှင်နှင့်  ကိုယ်စားလှယ်(၂၈)ဦးတို့အား တိုင်းရင်း​ဆေးဝါး ဝယ်ယူသုံးစွဲသူများ သိ​ကောင်းစရာအချက်များအ​ကြောင်း​ ဟော​ပြောခြင်း၊ လက်ကမ်းစာ​စောင်များ​​ပေး​ဝေခြင်း​များ ဆောင်ရွက်ခဲ့ကြောင်း သိရသည်။

ဧရာဝတီတိုင်း​ဒေသကြီး၊ ဖျာပုံခရိုင်တိုင်းရင်း​ဆေးကုဌာနမှ ဆရာ/ဆရာမများသည် ၂၉-၅-၂၀၂၃ ရက်​နေ့တွင် ဖျာပုံမြို့ အမှတ်(၄)ရပ်ကွက်၊ မင်း​ကျောင်းတရားရိပ်သာ၌ ကွင်းဆင်း​ဆေးကုသမှု​ဆောင်ရွက်ခဲ့ရာ လူနာကျား(၉) ဦး ၊မ(၃၁)ဦး စုစု​ပေါင်း(၄၀)ဦးအား တိုင်းရင်းဆေးဖြင့် ကျန်းမာ​ရေး​စောင့်​ရှောက်မှု​ပေးနိုင်ခဲ့ပါကြောင်း သိရှိရ သည်။

ကချင်ပြည်နယ် ဝိုင်းမော်မြို့နယ် တိုင်းရင်းဆေးကုဌာနမှ မြို့နယ်တိုင်းရင်းဆေးမှုး ဒေါ်ကေသီအောင်သည် ၃-၄-၂၀၂၃ ရက်နေ့တွင် အောင်မြေသစ်ကျေးရွာ၌ ကွင်းဆင်းဆေးကုသပေးရာ ကျား(၂၃)ဦး၊ မ(၆၃)ဦး၊ စုစုပေါင်း (၈၆)ဦး အား တိုင်းရင်းဆေးပညာဖြင့် ကျန်းမာရေးစောင့်ရှောက်မှုပြုလုပ်ပေးခဲ့ပါကြောင်း သိရှိရ ပါသည်။