Department of Traditional Medicine

၂၀၁၈ ခုနှစ် မေလ ၁၅ ရက်နေ့ နံနက် ၉းဝဝ နာရီတွင် အစည်းအဝေးခန်းမ၊ ရုံးအမှတ်၄၇၊ တိုင်းရင်းဆေးပညာဦးစီးဌာနတွင် ပြည်နယ်/တိုင်းဒေသကြီး ဦးစီးမှူးများ၊ ဆေးရုံအုပ်ကြီးများနှင့် စက်ရုံမှူး(ရန်ကုန်နှင့်မန္တလေး) များကို တွေ့ဆုံ ဆွေးနွေးပွဲကို ကျင်းပ ပြုလုပ်ခဲ့ပါသည်။ 

၂၀၁၈ ခုနှစ် မေလ ၁၅ ရက်နေ့၊ နံနက်(၈းဝဝ) နာရီ တွင် ရုံးအမှတ်(၄၇) တိုင်းရင်းဆေးပညာဦးစီးဌာန၏ အစည်းအဝေးခန်းမ ဘေးကပ်လျက်တွင် “ဖတ်ပြီးပြန်ထား အငှားစာအုပ်စင်” ဖွင့်ပွဲ အခမ်းအနားကို ဖွင့်လှစ်ပါသည်။

၂၀၁၇ ခုနှစ် နိုဝင်ဘာလ ၂၁ ရက်နေ့တွင် (၈)ကြိမ်မြောက် မဲခေါင်ဒေသတွင်းနိုင်ငံများဆိုင်ရာ တိုင်းရင်းဆေးနှင့်ဆက်စပ်ပစ္စည်းများပြပွဲကြီးကို ရန်ကုန်မြို့ တပ်မတော်ခန်းမ၌ ဖွင့်လှစ်ခဲ့ပါသည်။ အဆိုပါဖွင့်ပွဲ အခမ်းအနားသို့ ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်း၊ တိုင်းရင်းဆေး ပညာဦးစီးဌာန ညွှန်ကြားရေးမှူးချုပ်နှင့် မဲခေါင်နိုင်ငံများမှ ကိုယ်စားလှယ်တို့က ပြပွဲကို ဖဲကြိုးဖြတ် ဖွင့်လှစ်ပေးကာ ပြခန်းအတွင်း လှည့်လည် ကြည့်ရှု အားပေးခဲ့ကြပါသည်။ 

၂၀၁၇ ခုနှစ် နိုဝင်ဘာလ ၂၀ ရက်နေ့တွင် ညနေပိုင်းတွင် ကျန်းမာရေးနှင့်အားကစား ဝန်ကြီးဌာန၊ တိုင်းရင်းဆေးပညာဦးစီးဌာနက အစည်းအဝေးသို့ တက်ရောက်လာကြသည့်  မဲခေါင်ဒေသတွင်းနိုင်ငံများမှ ရိုးရာတိုင်းရင်းဆေးပညာရှင် ကိုယ်စားလှယ်များနှင့် ဖိတ်ကြား ထားသော တိုင်းရင်းဆေးဝါးထုတ်လုပ်ရေးလုပ်ငန်းရှင်များ၊ နှီးနွယ်ဝန်ကြီးဌာနမှ ကိုယ်စားလှယ်များနှင့် သုတေသီများအား ကရဝိတ်နန်းတော် ဟိုတယ်၌ ညနေစာဖြင့် တည်ခင်းဧည့်ခံခဲ့ပါသည်။

ကျန်းမာရေးနှင့်အားကစားဝန်ကြီးဌာန၊ တိုင်းရင်းဆေးပညာဦးစီးဌာနက ကြီးမှူး၍ မြန်မာနိုင်ငံတွင် အိမ်ရှင်အဖြစ်လက်ခံကျင်းပသော (၈)ကြိမ်မြောက် မဲခေါင်ဒေသတွင်း နိုင်ငံများ၏ တိုင်းရင်းဆေးပညာရပ်ဆိုင်ရာ အစည်းအဝေးကို ၂၀၁၇ ခုနှစ် နိုဝင်ဘာလ ၂၀ ရက်နေ့တွင် ရန်ကုန်မြို့ နိုဗိုတယ်ဟိုတယ်၌ ကျင်းပခဲ့ပါသည်။