Department of Traditional Medicine

တနင်္သာရီတိုင်းဒေသကြီး (၁၆) ခုတင်ဆံ့ ထားဝယ်တိုင်းရင်းဆေးရုံမှ ၁၇-၅- ၂၀၂၃ ရက်နေ့တွင် ဒုတိယတိုင်းရင်းဆေးမှူး ဒေါ်ပွင့်ဖြူဖြူသော် ဦးဆောင်သောအဖွဲ့သည် ထားဝယ်မြို့ဘိုးဘွားရိပ်သာ၌ အဘိုး(၄)ဦး .အဘွား(၁၀)ဦး စုစုပေါင်း(၁၄)ဦးအား တိုင်းရင်းဆေးဖြင့်အခမဲ့ကွင်းဆင်းဆေးကုသမှုပေးခဲ့ကြောင်းသိရှိရသည်။

ဧရာ၀တီတိုင်းဒေသကြီး မြောင်းမြခရိုင် လပွတ္တာမြို့နယ် တိုင်းရင်းဆေးကုဌာနမှ ဆရာ/ဆရာမများသည်  (၁၃-၅-၂၀၂၃) ရက်နေ့တွင်ကျောက်ဖြူကျေးရွာ၌ လူနာကျား(၂၀)ဦး  မ(၂၅)ဦး စုစုပေါင်းလူနာ (၄၅) ဦး တို့အား တိုင်းရင်းဆေးပညာဖြင့် ကျန်းမာရေးစောင့်ရှောက်ခဲ့ပါကြောင်း သိရှိရသည်။

ဧရာဝတီတိုင်း​ဒေသကြီး၊ ဖျာပုံခရိုင်တိုင်းရင်း​ဆေးကုဌာနမှ  ဆရာ/ဆရာမများသည် ၁၀.၅.၂၀၂၃ ရက်​နေ့တွင် ဖျာပုံမြို့အမှတ်(၄)ရပ်ကွက်မင်း​ကျောင်းတရားရိပ်သာ၌ တိုင်းရင်းဆေးပညာဖြင့် ကွင်းဆင်း​ဆေးကုသမှု​ဆောင်ရွက်ခဲ့ရာတွင် လူနာကျား(၉)ဦး၊ မ(၃၁)ဦး စုစု​ပေါင်း(၄၀)ဦးတို့အား ကျန်းမာ​ရေး​စောင့်​​ရှောက်မှု​ပေးခဲ့ပါကြောင်း သိရှိရသည်။

ပဲခူးတိုင်းဒေသကြီး ပြည်မြို့နယ် တိုင်းရင်းဆေးကုဌာနမှ မြို့နယ်တိုင်းရင်းဆေးမှူး ဒေါ်သိန်းသိန်းဆွေ နှင့် ခရိုင်ဒုတိယတိုင်းရင်းဆေးမှူး ဒေါ်ပြည့်ပြည့်ဝင်း တို့သည် ၄.၄.၂၀၂၃ ရက်နေ့တွင် ပြည်မြို့ ခေတ္တရာ  ဘိုးဘွားရိပ်သာရှိ အဘိုး (၁၀) ဦးနှင့် အဘွား (၇) ဦးတို့အား ကွင်းဆင်းဆေးကုသပေးခြင်း ဆေးမြစ်စုံ လိမ်းဆေးများဖြင့်  တိုင်းရင်းဆေးပညာဖြင့် ကျန်းမာရေးစောင့်ရှောက်မှုပေးခဲ့ပါကြောင်းသိရှိရသည်။

ကျန်းမာရေးဝန်ကြီးဌာန တိုင်းရင်းဆေးပညာဦးစီးဌာန ရန်ကုန်တိုင်းဒေသကြီး တိုင်းရင်းဆေးပညာဦးစီးဌာန၏ စီစဥ်ညွှန်ကြားမှုဖြင့် တောင်ပိုင်းခရိုင် တိုင်းရင်းဆေးကုဌာနမှ ခရိုင်တိုင်းရင်းဆေးမှူး ဒေါ်သန်းသန်းဆွေ ဦးဆောင်၍ (၅၊၄၊၂၀၂၃) ရက်နေ့တွင်  သန်လျင်သဘာဝတရားရိပ်သာ၌ သန်လျင်မြို့နယ် တိုင်းရင်းဆေးကုဌာနမှ ဒုတိယတိုင်းရင်းဆေးမှူး ဒေါ်ဝါဝါလင်း၊ ခရိုင်တိုင်းရင်းဆေးကုဌာနမှ ဒုတိယတိုင်းရင်းဆေးမှူး ဒေါ်အိအိဖြိုးနှင့် ဒလမြို့နယ်တိုင်းရင်းဆေးကုဌာနမှ လက်ထောက်တိုင်းရင်းဆေးမှူး ဒေါ်ညိုညိုသင်းတို့မှ တိုင်းရင်းဆေးဖြင့် အခမဲ့ကွင်းဆင်းဆေးကုသခဲ့ကြရာတွင် ကုသခံလူနာစုစုပေါင်း လူနာ ကျား (၁၁)ဦး၊ မ (၂၉)ဦး စုစုပေါင်း (၄၀)ဦး အား တိုင်းရင်းဆေးဖြင့်ကျန်းမာရေးစောင့်ရှောက်မှုပေးခဲ့ပြီး အများဆုံးကုသပေးခဲ့သော ရောဂါများမှာ လေငန်း၊ ဒူးနာ၊ ခါးနာ၊ ကျီးပေါင်း၊ သွေးတိုးနှင့် ဆီးချိုရောဂါများ ဖြစ်ပါကြောင်း သိရှိရသည်။