Department of Traditional Medicine

ရန်ကုန်တိုင်းဒေသကြီး၊ တောင်ပိုင်းခရိုင်၊ ဒလမြို့နယ်တိုင်းရင်းဆေးကုဌာနမှ မြို့နယ်တိုင်းရင်းဆေးမှူး ဦးတင်ဖြိုးအောင် ဦးဆောင်သော ကွင်းဆင်းအဖွဲ့သည် ၁၈.၅.၂ဝ၂၃ ရက်နေ့တွင် ကမာကဆစ်ရပ်ကွက် အလယ်ကျောင်းပရိယတ္တိ စာသင်တိုက်၌ သံဃာတော်များနှင့် သီလဆောက်တည်သော ဥပုသ်သည်များကို အပူဒဏ်ကြောင့်ဖြစ်သော ကျန်းမာရေးအန္တရာယ်နှင့် အပူငြိမ်းစေသော အစားအစာများကို တိုင်းရင်းဆေးပညာအမြင်ဖြင့် ကျန်းမာရေးအသိပညာပေးဟောပြော၍ တိုင်းရင်းဆေးပညာရပ်ဆိုင်ရာ လက်ကမ်းစာစောင်များဖြန့်ဝေခြင်းတို့ကို ဆောင်ရွက်ခဲ့ပြီး၊ လူကြီး(ကျား) - ၄၆ ဦး ၊ လူကြီး(မ) - ၁၈ ဦး၊ စုစုပေါင်း ( ၆၄ ) ဦး အား အခမဲ့ ဆေးကုသပေးခဲ့ပြီး ကွင်းဆင်းဆေးကုသမှုတွင် အဖြစ်အများဆုံးကုသပေးခဲ့သော ရောဂါများမှာ ဒူးနာ ၊ ခါးနာ ၊ ဇက်နာ ၊ ကိုယ်လက်ကိုက်ခဲအကြောတက်၊ ကျီးပေါင်းရောဂါအမျိုးမျိုးနှင့် သွေးတိုးရောဂါများ ဖြစ်ကြောင်းတွေ့ရှိရကြောင်းနှင့် အဆိုပါနေရာ၌ပင် အပူဒဏ်ကြောင့်ဖြစ်သော ကျန်းမာရေးအန္တရာယ်နှင့် အပူငြိမ်းစေသော အစားအစာများကို တိုင်းရင်းဆေးပညာဖြင့် ဟောပြောခဲ့ပါကြောင်း သိရှိရသည်။

ပဲခူးတိုင်းဒေသကြီးအနောက်ပိုင်း ပြည်ခရိုင် သဲကုန်းမြို့နယ် တိုင်းရင်းဆေးကုဌာနမှ မြို့နယ်တိုင်းရင်းဆေးမှူး ဒေါ်အေးအေးမော်သည် သဲကုန်းမြို့ မိုးကုတ်ဝိပသာနာရိပ်သာကျောင်း၌ သီလရှင်ဆရာလေးများ အား ၁၇-၅-၂၀၂၃ ရက်နေ့တွင် လူနာဦးရေကျား (၃)ဦး မ (၁၂)ဦး   စုစုပေါင်း(၁၅)ဦး အား  တိုင်းရင်းဆေးပညာဖြင့် အခမဲ့ကွင်းဆင်းဆေးကုသခဲ့ပါကြောင်း သိရှိရသည်။

တနင်္သာရီတိုင်းဒေသကြီး ထားဝယ်ခရိုင် သရက်ချောင်းမြို့နယ် တိုင်းရင်းဆေးကုဌာနမှ ဆရာ/ဆရာမများသည် ၂၂-၅-၂၀၂၃ ရက်နေ့တွင် သရက်ချောင်းမြို့နယ် အိမ်ရှေ့ပြင်ကျေးရွာ၌ မိုးရာသီနှင့် အအေးမိခြင်း ခေါင်းစဥ်ဖြင့် ကျန်းမာရေးပညာပေး ဟောပြောခဲ့ရာစုစုပေါင်း လူဦးရေ(၄၅)ဦးအား ဟောပြောခဲ့ပြီး လူနာဦးရေ စုစုပေါင်း (၃၅) ဦးအား တိုင်းရင်းဆေးဖြင့်အခမဲ့ဆေးကုသပေးခဲ့ကြောင်း သိရှိရပါသည်။

တနင်္သာရီတိုင်းဒေသကြီး ထားဝယ်ခရိုင်တိုင်းရင်းဆေးကုဌာနမှ ဆရာ/ဆရာမများသည် ၂၃-၅-၂၀၂၃ ရက်နေ့တွင် လောကမာန်အောင်သီလရှင်စာသင်တိုက်၌ သီလရှင် စုစုပေါင်း (၂၅)ဦး အား တိုင်းရင်းဆေးဖြင့် အခမဲ့ ကွင်းဆင်းဆေးကုသမှု ဆောင်ရွက်ပေးခဲ့ပါကြောင်း သိရှိရပါသည်။

တနင်္သာရီတိုင်းဒေသကြီး မြိတ်ခရိုင် ကော့သောင်းမြို့နယ်တိုင်းရင်းဆေးကုဌာနမှ ဆရာ/ဆရာမများသည် ၁၂- ၅-၂၀၂၃ ရက်နေ့တွင် ကော့သောင်းခရိုင် ပုလုံးတုံတုံးကျေးရွာ၌ ကျား (၅) ဦး မ(၃၀)ဦး စုစုပေါင်း(၃၅)ဦးအား တိုင်းရင်းဆေးပညာဖြင့်အခမဲ့ကွင်းဆင်းဆေးကုသမှုပေးခဲ့ကြောင်း သိရှိရပါသည်။