the republic of the union of myanmar
ministry of health
Department of Traditional Medicine
ရန်ကုန်တိုင်းဒေသကြီး ခုတင် (၁၀၀) ဆံ့ တိုင်းရင်းဆေးရုံမှ ဗဟန်းမြို့နယ် စီမံအုပ်ချုပ်ရေးအဖွဲ့၏ ဦးဆောင်မှုဖြင့် ၁၃.၉..၂၀၂၃ ရက်နေ့ နံနက် ၇ နာရီ မှ ၉:၃၀ နာရီအထိ ဗဟန်းအထွေထွေအုပ်ချုပ်ရေးဦးစီးဌာန၊ ဗဟန်းမြို့နယ်စည်ပင်သာယာရေးအဖွဲ့တို့မှ လူအင်အား (၇၀)ခန့်သည် ရန်ကုန် ခုတင် (၁၀၀) ဆံ့ တိုင်းရင်းဆေးရုံ ဆေးရုံအတွင်း/အပြင်ရှိ အမှိုက်သရိုက်များရှင်းလင်းခြင်း၊ ဓါတ်ကြိုးများနှင့် မလွတ်ကင်းသည့် သစ်ကိုင်းများ ရှင်းလင်းခြင်း၊ ခြင်/ယင်/ပိုးလောက်လန်းများ ကင်းရှင်းစေရေးအတွက်ခြင်ဆေးများ မှုတ်ပေးခြင်းနှင့် ရေကန် အတွင်းသို့ အဘိတ်ဆေးများခတ်ခြင်းတို့ကိုဆောင်ရွက်ပေးခဲ့ပြီး ဆေးရုံအုပ်ကြီးမှ သန့်ရှင်းရေးဆောင်ရွက်ပေးသော အဖွဲ့များကို နံနက်စာကြက်သားပေါက်စီနှင့် ကော်ဖီတို့ဖြင့် ဧည့်ခံကျွေးမွေးခဲ့ကြောင်း သိရှိရသည်။
တိုင်းရင်းဆေးတက္ကသိုလ်မှ ကွင်းဆင်းဆေးကုသခြင်းနှင့် သုတေသနစစ်တမ်းကောက်ယူခြင်းလုပ်ငန်းများ ဆောင်ရွက်
Tue , Sep 12 2023 - 08 amတိုင်းရင်းဆေးတက္ကသိုလ်မှ ပါမောက္ခချုပ် ပါမောက္ခဒေါက်တာသိန်းဇော်လင်းနှင့် ဆေးပညာဌာန ပါမောက္ခ/ ဌာနမှူး ပါမောက္ခဌေးလွင်၊ သုတေသနဌာနမှ ဒုတိယညွှန်ကြားရေးမှူး ဒေါက်တာခင်တာရာမြင့်တို့ ဦးဆောင်၍ ဌာနအသီးသီးမှ ပါမောက္ခ/ဌာနမှူးများ၊ ဆရာ/ဆရာမများသည် ၁၀-၉-၂၀၂၃ ရက်နေ့တွင် မန္တလေးတိုင်းဒေသကြီး၊ ပြင်ဦးလွင်ခရိုင်၊ ပြင်ဦးလွင်မြို့နယ်၊ သုံးတောင်ကျေးရွာအုပ်စု၊ သုံးတောင်ကျေးရွာ၊ ကျောက်ဖျာဒိုးကျေးရွာ၊ ကျင်ဂနိုင် ကျေးရွာများ၌ စတုတ္ထနှစ်ကျောင်းသား/ကျောင်းသူများအတွက် သင်ရိုးညွှန်းတမ်းပါ အတိုင်း ကွင်းဆင်း ဆေးကုသခြင်း၊ ပြည်သူ့ဘဝလေ့လာရေးသုတေသန စစ်တမ်းကောက်ယူခြင်းများကို ဆောင်ရွက်ခဲ့ကြပြီး မန္တလေးတိုင်း၊ တိုင်းရင်းဆေးပညာဦးစီးဌာနမှ တိုင်းဒေသကြီးဦးစီးမှူး၊ ဒုတိယတိုင်းဒေသကြီးဦးစီးမှူး၊ ခရိုင်ဦးစီးမှူး၊ မြို့နယ်တိုင်းရင်းဆေးမှူးနှင့် ကျေးရွာအုပ်ချုပ်ရေးမှူးတို့က လိုအပ်သည်များ ဝိုင်းဝန်းကူညီ ဆောင်ရွက်ကြရာ လူနာ (၁၃၀)ဦးကို ဆေးကုသပေးနိုင်ခဲ့ပြီး လိုအပ်သောဆေးဝါးများကို တိုင်းရင်းဆေးဝါး စက်ရုံ( မန္တလေး)မှ ပံ့ပိုးပေးခဲ့ကြောင်းသိရသည်။
ရခိုင်ပြည်နယ် အမ်းမြို့နယ် တိုင်းရင်းဆေးကုဌာနမှ ဒုတိယတိုင်းရင်းဆေးမှူး ဦးနေဝင်းအောင်တို့သည် ၁၃- ၈- ၂၀၂၃ရက်နေ့တွင် အမ်းမြို့နယ်၊ စျေးရပ်ကွက်၊ ဇာဒီမော်ကျေးရွာ၌ ကွင်းဆင်းဆေးကုသမှုဆောင်ရွက်ခဲ့ရာ လူနာကျားလူကြီး(၂၁)ဦး၊ မကြီ (၂၇)ဦး၊ ကလေးကျား(၄)ဦး၊ ကလေးမ(၈)ဦး၊ စုစုပေါင်း (၆၀) ဦးတို့ကို ကျန်းမာရေးစောင့်ရှောက်မှုပေးခဲ့ပြီး၊ ကျေးလက်နေပြည်သူ (၃၀)ဦးတို့အား တိုင်းရင်းဆေးဖြင့် ကျန်းမာရေးအသိပညာပေးဟောပြောဆောင်ရွက်ခဲ့ကြောင်း သိရသည်။
ဧရာဝတီတိုင်းဒေသကြီး ပုသိမ်ခရိုင်အတွင်း အသေးစား အငယ်စား အလတ်စား စီးပွားရေးလုပ်ငန်း (MSMES) ထုတ်ကုန်ပြပွဲနှင့် မိုးရာသီစျေးရောင်းပွဲတော် ဖွင့်ပွဲအခမ်းအနားကို (၁၂-၇-၂၀၂၃)ရက်နေ့တွင် ကျင်းပရာ တိုင်းရင်းဆေးပညာဦးစီးဌာနမှူးရုံးမှ ခရိုင်တိုင်းရင်းဆေးမှူး ဒေါ်သက်စံက ကြီးကြပ်ဆောင်ရွက်၍ တိုင်းရင်းဆေးပညာဦးစီးဌာနသုံး တိုင်းရင်းဆေးဝါးများအား ခင်းကျင်းပြသခြင်း၊ ခရိုင်အတွင်းရှိ တိုင်းရင်းဆေးဝါးထုတ်လုပ်ရေးလုပ်ငန်းများမှတိုင်းရင်းဆေးဝါးများကိုပြသရောင်းချခြင်းများဆောင်ရွက်လျက်ရှိပါကြောင်းနှင့် အဆိုပါ ထုတ်ကုန်ပြပွဲနှင့် မိုးရာသီစျေးရောင်းပွဲတော်ကာလမှာ (၁၂-၇-၂၀၂၃)ရက်နေ့မှ (၁၅-၇-၂၀၂၃)ရက်နေ့အထိ ကျင်းပမည်ဖြစ်ကြောင်းသိရှိရသည်။
ရခိုင်ပြည်နယ် အမ်းမြို့နယ် တိုင်းရင်းဆေးကုဌာနမှ မြို့နယ်တိုင်းရင်းဆေးမှူး ဦးနေဝင်းအောင် သည် မြို့နယ် အထွေထွေအုပ်ချုပ်ရေးဦးစီးဌာနနှင့်ပူးပေါင်း၍ အမ်းမြို့နယ် လုံးကောက်ကျေးရွာတွင်ကွင်းဆင်းဆေးကုသခဲ့ရာလူနာကျား (၃၃) ဦး၊မ (၄၅) ဦး၊စုစုပေါင်းလူနာဦးရေ (၇၈) ဦး တို့အား တိုင်းရင်းဆေးဖြင့် ကျန်းမာရေးစောင့်ရှောက်မှုပေးခဲ့ကြောင်း သိရှိရသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။
