သုတေသနဓာတ်ခွဲခန်းသည် တိုင်းရင်းဆေးဝါး မှတ်ပုံတင် (အသစ်/ သက်တမ်းတိုး)ရန် ပေးပို့လာ သော တိုင်းရင်းဆေးဝါးများကို ဓာတ်ခွဲ စစ်ဆေးရာ တွင် အောက်ပါနည်းလမ်းများဖြစ်သည့်
● (၁) အပင်နှင့်အပင်၏ အစိတ်အပိုင်းများ စစ်မှန်မှု ရှိ/မရှိ စစ်ဆေးခြင်း (Plant Identification Test)
● (၂) အနောက်တိုင်းဆေးဝါးရောနှောခြင်း ရှိ/မရှိ စစ်ဆေး ခြင်း (Adulteration Test)
● (၃) အဆိပ်အတောက်ဖြစ်စေတတ်သော သတ္တုမာများ ပါဝင်မှု ရှိ/မရှိ စစ်ဆေးခြင်း (Heavy Metals Test)
● (၄) မှိုနှင့် ဘက်တီးရီးယာပိုးမွှားများ ပေါက်ပွားမှု ရှိ/မရှိ စစ်ဆေးခြင်း (Microbial Contamination Test)
● (၅) တည်မြဲမှုနှင့် သက်တမ်းစစ်ဆေးခြင်း (Stability and Shelf life) စသည့်နည်းလမ်းများဖြင့် စစ်ဆေး ပေးလျက်ရှိရာ အောက်ပါစစ်ဆေးမှုများကို လုပ်ဆောင် နိုင်ခဲ့ပါသည်။
စဉ် | ဓာတ်ခွဲစစ်ဆေးမှုများ | အရေအတွက် |
၁ | မှတ်ပုံတင်ဆေးဝါးဓာတ်ခွဲမှု (ဆေးဖုံ) | ၄၀၆ ဖုံ |
၂ | Certificate ထုတ်ပေးမှု (ဆေးဖုံ) | ၂ ဖုံ |
၃ | ကုန်သွယ်ရေးမှ ပေးပို့လာသော ပရဆေးကုန်ကြမ်းများ၏ စစ်မှန်မှုအား စစ်ဆေးပေးခြင်း | ၁၁၀ ခု |
၄ | စျေးကွက်ဆေးဝါးများအား စစ်ဆေးခြင်း (PMS) (ဆေးဖုံ) | ၁၀၀ ဖ |
၅ | မှတ်ပုံတင်ဆေးဝါးများ၏ တည်မြဲမှုနှင့် သက်တမ်း စစ်ဆေးခြင်း (ဆေးဖုံ) | ၁၂၃၉ ဖုံ |
တိုင်းရင်းဆေးဝါးများ ဓာတ်ခွဲစစ်ဆေးရာတွင် လုပ်ငန်းလိုအပ်ချက်ရှိပါက သတ္တုမာ (Heavy Metals) များ၏ ပါဝင်မှုကို Qualitative အပြင် Quantitative ပါ စတင် တိုင်းတာနေပြီ ဖြစ်ပါသည်။
ထို့အပြင် အောက်ပါသုတေသနလုပ်ငန်းများကို စတင်ဆောင်ရွက်လျက်ရှိပါသည်။
(၁) ပေါင်းချွေးခံခြင်းဖြင့် Chlorestrol ကျနိုင်မှုအာနိသင် ရှိ/မရှိ သုတေသန၊
(၂) ချင်း၊ သံပုရာဖြင့် Chlorestrol ကျနိုင်မှုအာနိသင် ရှိ/မရှိ သုတေသန၊
(၃) ကမ္ဘာ့ကျန်းမာရေးအဖွဲ့၏ အထောက်အပံ့ဖြင့် တိုင်းရင်းဆေးဝါးမှတ်ပုံတင် လျှောက်ထားလာသော ဆေးဖုံ(၅၀)ကို စံချိန်စံညွှန်းသတ်မှတ်ခြင်းသုတေသန (Standardization and TM Formulation Research)၊
တိုင်းရင်းဆေးပညာဦးစီးဌာန၏ သုတေသနလမ်းပြမြေပုံ (Research Road Map) ကို ရေးဆွဲလျက်ရှိပြီး သုတေသန လုပ်ငန်းများကို တိုးချဲ့ဆောင်ရွက်ခြင်း၊ သုတေသနဓာတ်ခွဲခန်းများ အဆင်မြှင့်တင်ခြင်းတို့ကို ဆောင်ရွက်သွားမည် ဖြစ်ပါသည်။