Department of Traditional Medicine

ကျန်းမာရေးဝန်ကြီးဌာန၊ တိုင်းရင်းဆေးပညာဦးစီးဌာနက ကြီးမှူး၍ “သတ္တမအကြိမ်မြောက် တိုင်းရင်းဆေးသုတေသနစာတမ်းဖတ်ပွဲ” ကို တိုင်းရင်းဆေးတက္ကသိုလ်၊ မန္တလေး၌ ၂၀၁၆ ခုနှစ် အတွင်း ကျင်းပပြုလုပ်ရန် စီစဥ်ဆောင်ရွက်လျက်ရှိပါသည်။ လူကြီးမင်းဌာနမှ တိုင်းရင်းဆေးပညာဆိုင်ရာ စာတမ်း များ တင်သွင်းဖတ်ကြားရန် အသိပေးဖိတ်ခေါ်အပ်ပါသည်။

တိုင်းရင်းဆေးပညာဦးစီးဌာန၊ မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့ရှိ ရေဘေးသင့် ပြည်သူများအား (၁-၈-၂၀၁၆)ရက်နေ့မှ (၁၁-၈-၂၀၁၆)ရက်နေ့အထိ မှန်ကင်းကျောင်းတိုက်တွင် အထူးဆေးခန်းဖွင့်လှစ်၍ တိုင်းရင်းဆေးဖြင့် စောင့်ရှောက်မှုပေးခြင်းနှင့် အထူးဆေးခန်း ဖွင့်လှစ် ပေးနေစဉ်အတွင်း (၇-၈-၂၀၁၆)ရက်နေ့တွင် မင်းဘူးမြို့ မှန်ကင်းကျောင်းတိုက်သို့ နိုင်ငံတော် သမ္မတကြီးမှ လာရောက်၍ ရေဘေးသင့်ပြည်သူများကိုအားပေး၍ လိုအပ်သောပစ္စည်းများ ထောက်ပံ့လှူဒါန်းခြင်း ပြုလုပ်ခဲ့ပါသည်။

ကျန်းမာရေးနှင့်အားကစားဝန်ကြီးဌာန၊ ရုံးအမှတ်(၄၇)ရှိ တိုင်းရင်းဆေးပညာဦးစီး ဌာနတွင် ယနေ့ နံနက်(၉)နာရီ၌ ကျင်းပသော "မြန်မာ့တိုင်းရင်းဆေးပညာ အတွေးအခေါ် အယူအဆနှင့် ကုထုံးဆိုင်ရာ အရည် အသွေးမြှင့်သင်တန်း" (၁/၂၀၁၆)သင်တန်းဖွင့်ပွဲ အခမ်းအနားသို့ တိုင်းရင်းဆေးပညာဦးစီးဌာန၊ ညွှန်ကြားရေးမှူးချုပ် ဒေါက်တာရီရီမြင့် တက်ရောက်၍ အဖွင့်အမှာစကားပြောကြားခဲ့သည်။

တိုင်းရင်းဆေးကောင်စီမှကြီးမှူး၍ ရှေးဟောင်းမြန်မာ့တိုင်းရင်းဆေးကျမ်းများဆိုင်ရာ စာပေပြိုင်ပွဲကို ကျင်းပပြုလုပ်မည်ဖြစ်ပါသဖြင့် ပြိုင်ပွဲဝင်ရောက်မည့် တိုင်းရင်းဆေးဆရာ (တဆ)မှတ်ပုံတင်ရှိသူ တိုင်းရင်းဆေးသမားတော်များသည် အောက်ပါဆေးကျမ်း (၃) ကျမ်းကို (ရေးဖြေ) ဖြေဆိုရမည်ဖြစ်ပါသည်။