၂၀၁၈ ခုနှစ်၊ မေ လ (၈) ရက် နေ့မှ (၁၂) ရက်နေ့အထိ တရုတ်ပြည်သူ့သမ္မတနိုင်ငံ Yunnan University of Traditional Chinese Medicine ၏ ကမ်းလှမ်းချက်အရ မြန်မာ့တိုင်းရင်းဆေးပညာ ဖွံ့ဖြိုးတိုးတက်စေရေးအတွက်မြန်မာနိုင်ငံနှင့် တရုတ်ပြည်သူ့သမ္မတနိုင်ငံကြား သိပ္ပံနည်းကျတိုင်းရင်းဆေးသုတေသနလုပ်ငန်းများ ပူးပေါင်းဆောင်ရွက်မှုမြှင့်တင်နိုင်ရန်အတွက် တိုင်းရင်းဆေး ပညာဦးစီးဌာနမှ ဦးကျော်သိန်းဌေး၊ ခေတ္တညွှန်ကြားရေးမှူးချုပ် ဦးဆောင်၍ တိုင်းရင်းဆေးတက္ကသိုလ်မှ ဦးထွန်းမြင့်၊ ဒုတိယပါမောက္ခချုပ်(စီမံ)၊ ဦးဝင်းနိုင်၊ ပါမောက္ခ/ဌာနမှူး၊ ဦးတင်ဝင်း၊ မော်ကွန်းထိန်း တို့သည် တရုတ်ပြည်သူ့သမ္မတနိုင်ငံ Yunnan University of Traditional Chinese Medicine သို့သွားရောက်ခဲ့ပါသည်။
အဆိုပါဆွေးနွေးပွဲတွင် MOU-ပညာရေး(Education)၊ ကုသရေး(Medical)၊ သုတေသနနှင့်ဖွံ့ဖြိုးမှုစီမံချက်များ၊ တိုင်းရင်းဆေးတက္ကသိုလ် တရုတ်-မြန်မာတိုင်းရင်းဆေးသုတေသနဗဟိုဌာန ဖွင့်လှစ်ရန်အတွက် အကြိုမူကြမ်းကိုလည်းကောင်း၊ နားလည်မှုစာချွန်လွှာ၊ သဘောတူညီချက်များကိုရေးသားရာတွင် တရုတ်၊ အင်္ဂလိပ်ဘာသာများအပြင် မြန်မာဘာသာဖြင့်ရေးသား ဖော်ပြရန်များ ကိုလည်းကောင်းဆွေးနွေးခဲ့ပါသည်။
ဆွေးနွေးပွဲပြီးနောက် ယူနန်တိုင်းရင်းဆေးတက္ကသိုလ်နယ်မြေရှိ စာကြည့်တိုက်၊ ပြတိုက်တို့ကိုလေ့လာခြင်း၊ သိပ္ပံနည်းကျ တိုင်းရင်းဆေးသုတေသနလုပ်ငန်းများကို ကူမင်းမြို့ရှိ Kunming Municioal Hospital of Traditional Chinese Medicine တွင်လေ့လာခြင်း၊ တရုတ် တိုင်းရင်းဆေး၊ အပ်စိုက်ကုပညာ၊ အကြောအရိုးအဆစ်ပညာတို့ကို ခေတ်မီပစ္စည်းများဖြင့် ပူးပေါင်း၍ သိပ္ပံနည်းကျဆောင်ရွက်မှုများကို လေ့လာခဲ့ပါသည်။