Department of Traditional Medicine

ကျန်းမာရေးနှင့်အားကစားဝန်ကြီးဌာနသည် အရည်အသွေးစစ်မှန်ကောင်းမွန်ပြီး ဘေးဥပဒ် အန္တရာယ်ကင်းရှင်းကာ အကျိုးအာနိသင်ရှိသော တိုင်းရင်းဆေးဝါးများကို အများပြည်သူတို့ သုံးစွဲ နိုင်ရန် စဉ်ဆက်မပြတ် စနစ်တကျစစ်ဆေးလျက် ရှိပါသည်။

ဗဟိုတိုင်းရင်းဆေးဝါးကြီးကြပ်ရေးကော်မတီသို့ တိုင်းရင်းဆေးဝါး မှတ်ပုံတင် (အသစ်) လျှောက်ထားလာသော တော်ဝင် အမှတ်တံဆိပ် အာရုံကြောအားတိုးဆေး (ဆေးတောင့်) ၏ ပေးပို့လျှောက်ထားသော ဆေးနမူနာများကို ပထမအကြိမ်၊ ဒုတိယအကြိမ် နှင့် တတိယ အကြိမ်အထိ ဓာတ်ခွဲစစ်ဆေးရာတွင် ဓာတ်ခွဲအဖြေများသည် ပူးတွဲပါအတိုင်း ကောင်းမွန်မှုမရှိပါသဖြင့် တိုင်းရင်းဆေးဝါးမှတ်ပုံတင် (အသစ်) လျှောက်ထားခြင်းအား ခွင့်မပြုကြောင်း အကြောင်းကြားပါသည်။

ဗဟိုတိုင်းရင်းဆေးဝါးကြီးကြပ်ရေးကော်မတီသို့ (၅-၃-၂၀၁၉) မှ (၈-၄-၂၀၁၉) ရက်နေ့ အထိ လျှောက်ထားလာသော တိုင်းရင်းဆေးဝါးမှတ်ပုံတင်(အသစ်) လျှောက်ထားခြင်းအတွက် ဒုတိယအကြိမ် ဓါတ်ခွဲရန် လိုအပ်သောလျှောက်လွှာ (၇)စောင်အား ပူးတွဲပါအတိုင်း ထုတ်ပြန်ကြော်ငြာလိုက်သည်။

ဗဟိုတိုင်းရင်းဆေးဝါးကြီးကြပ်ရေးကော်မတီသို့ ၂၀၁၆ ခုနှစ်မှ ၂၀၁၉ခုနှစ်မှ လျှောက်ထားလာသည့် တိုင်းရင်းဆေးဝါးထုတ်လုပ်ခွင့်လိုင်စင် (သက်တမ်းတိုး)ကိစ္စများနှင့်ပတ်သက်၍ သက်ဆိုင်ရာတိုင်းရင်းဆေးဝါး မှတ်ပုံတင် နှင့် လိုင်စင်စိစစ်ရေးအဖွဲ့အစည်းအဝေးဆုံးဖြတ်ချက်များအရ တိုင်းရင်းဆေးဝါးထုတ်လုပ်ခွင့် လိုင်စင် (သက်တမ်းတိုး) -၂၅ စောင် ၏လိုအပ်ချက်စာရင်းကို ပူးတွဲပါအတိုင်း ထုတ်ပြန်ကြော်ငြာလိုက်သည်။