ကိုဗစ်-၁၉ ကူးစက် ကမ္ဘာ့ကပ်ရောဂါသည် မြန်မာနိုင်ငံတွင် ရောဂါပိုးတွေ့ရှိသူများ များပြားလာပြီး ကမ္ဘာ့နိုင်ငံများတွင်လည်းရောဂါပိုးတွေ့ရှိသူများနှင့် သေဆုံးသူများ နေ့စဉ် ကြားသိနေရပါသည်။ကမ္ဘာ့ကျန်းမာရေးအဖွဲ့မှ ကပ်ရောဂါဟုသတ်မှတ်ပြီး ကာကွယ်ဆေး များ ပေါ်ပေါက်လာ၍ ထိုးနှံနေကြပြီဖြစ်သည်ကိုလည်းတွေ့ရှိရပါသည်။ ကာကွယ်ဆေးထိုးနှံ ထားလျှင် ရောဂါကူးစက်မှု၊ ရောဂါဝေဒနာပြင်းပြင်းထန်ထန်ခံစားရမှု၊ ဆေးရုံတက်ရောက် ကုသရမှု၊ သေဆုံးမှုတို့ကို လျှော့ချကာကွယ်ပေးနိုင်ကြောင်း သိရှိရသည့်အတွက် မိဘပြည်သူ များ အားလုံးအနေဖြင့် ကာကွယ်ဆေး ထိုးနှံကြရန်လည်း ဦးစွာတိုက်တွန်း လိုပါသည်။ ၎င်းအပြင်မြန်မာ့တိုင်းရင်းဆေးပညာဖြင့် ကာကွယ်နိုင်ရန်အလို့ငှာ တိုင်းရင်းဆေးပညာ၏ အခြေခံအကြောင်းရင်းများဖြစ်သည့် ကံ၊ စိတ်၊ ဥတု၊ အာဟာရသမုဋ္ဌာန်(၄)ပါးတို့ကို မှားယွင်းမှုမရှိအောင်သမမျှတစွာ ပြုမူကျင့်ကြံနေထိုင်စားသောက်ခြင်းဖြင့် ကျန်းမာနေသည့် ဖြစ်စဉ်ကို စောင့်ထိန်းနိုင်ကြမှာ ဖြစ်ပါသည်။