Department of Traditional Medicine

ရှေးဦးစွာ တာဝန်ရှိသူများက တိုင်းရင်းဆေးဝါးကဏ္ဍ ဖွံ့ဖြိုးတိုးတက်ရေး စီးပွားရေးဇုန် ဖြစ်ပေါ်လာပုံ ထုတ်လုပ်လျက်ရှိသည့် တိုင်းရင်းဆေးဝါးများအကြောင်း တိုင်းရင်းဆေးပင်မျိုးစိတ်များအကြောင်း၊ တိုင်းရင်းဆေးဝါးတစ်မျိုးစီ၏ အသုံးပြုပုံများကို အသေးစိတ်လိုက်လံရှင်းလင်းပြသခဲ့ကြပါသည်။ ယင်းနောက်မြန်မာကိုယ်စားလှယ်အဖွဲ့သည် ပြခန်းအတွင်းပြသထားသည့် တိုင်းရင်းဆေးဝါးကုန်ကြမ်းများ ကုန်ချောများ တိုင်းရင်းဆေးပင်များအား လိုက်လံကြည့်ရှုခဲ့ကြပြီး သိရှိလိုသည်များကို မေးမြန်း ဆွေးနွေးခဲ့ကြသည်။

(၇)ကြိမ်မြောက် တရုတ်-အာဆီယံ တိုင်းရင်းဆေးနှင့် ဆေးဝါးကဏ္ဍ ဖွံ့ဖြိုးတိုးတက်ရေး ပူးပေါင်းဆောင်ရွက်မှု ထိပ်သီးအစည်းအဝေးဒုတိယနေ့ကို စက်တင်ဘာလ (၁၅)ရက်က တိုင်းရင်းဆေးဝါးနှင့် ကုန်ကြမ်းများ အရည်အသွေးစစ်ဆေးရေးနှင့် သတ်မှတ်ရေးဆိုင်ရာ မူဝါဒဆွေးနွေးပွဲ၊ တိုင်းရင်းဆေးဝါးထုတ်လုပ်‌ရေးနှင့် တင်ပို့ရောင်းချရေးဆိုင်ရာ ဆွေးနွေးပွဲ၊ တိုင်းရင်းဆေးဝါးစက်ရုံများတည်ထောင်ရေးဆိုင်ရာ ဆွေးနွေးပွဲ ခေါင်းစဉ်များဖြင့် ကျင်းပရာ တိုင်းရင်းဆေးပညာဦးစီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာန တို့မှ ဘာသာရပ်ဆိုင်ရာ အဆင်မြင့်အရာရှိများက မြန်မာနိုင်ငံ၏ တိုင်းရင်းဆေးကဏ္ဍ ဖွံ့ဖြိုးတိုးတက်ရေး ဆောင်ရွက်လျက်ရှိသည့် ကိစ္စရပ်များ မူဝါဒလုပ်ငန်းစဉ်များ တိုင်းရင်းဆေးသုတေသနလုပ်ငန်း ဆောင်ရွက် နေမှုများ၊ တရုတ်-အာဆီယံနိုင်ငံများနှင့် တိုင်းရင်းဆေးကဏ္ဍ ပူးပေါင်းဆောင်ရွက်နိုင်မည့် အခြေအနေများကို သက်ဆိုင်ရာ ခေါင်းစဉ်အလိုက် ပါဝင်ဆွေးနွေး ခဲ့ကြကြောင်း သိရသည်။

သတင်းစဉ်