the republic of the union of myanmar
ministry of health
Department of Traditional Medicine
အဆိုပါအခမ်းအနားတွင် ဆရာကြီးဦလှစီက သဘာပတိအဖြစ်ဆောင်ရွက်၍ အခမ်းအနားမှူးအဖြစ် ဒုတိယတိုင်းရင်းဆေးမှူးနှင့် ဒေါ်သဇင်အေးနှင့် တွဲဖက်အခမ်းအနားမှူးအဖြစ် လ/ထတိုင်းရင်းဆေးမှူး ဒေါ်ဇာလီဝင်းတို့က ဆောင်ရွက်ကြကာ သာယာဝတီခရိုင်၊ သာယာဝတီမြို့နယ်တိုင်းဆေးကုဌာနမှ မြို့နယ်တိုင်းရင်းဆေးမှူး ဒေါ်တင်နွယ်နွယ်ဝင်း ထိပ်ကပ်နာအကြောင်းလေ့လာခြင်း စာတမ်းကို ဖတ်ကြားတင်ပြ ဆွေးနွေးခဲ့ပါသည်။
အခမ်းအနားသို့ နတ္တလင်းခရိုင်၊ ပေါင်းတည်မြို့နယ် တိုင်းရင်းဆေးကုဌာနမှ ဆရာဦးနေဝင်း၊ ပြည်ခရိုင် တိုင်းရင်းဆေးကုဌာနမှ ခရိုင်တိုင်းရင်းဆေးမှူး ဒေါ်ခိုင်ဝါဝါအောင်၊ (၁၆)ခုတင်ဆံ့ ကြို့ပင်ကောက် တိုင်းရင်းဆေးရုံမှ ဆေးရုံအုပ် ဒေါ်နှင်းထိုက်တိုး၊ နတ္တလင်းခရိုင်၊ ဇီးကုန်းမြို့နယ်တိုင်းရင်းဆေးကုဌာနမှ မြို့နယ်တိုင်းရင်းဆေးမှူး ဦးအောင်ညိုတို့မှ အသီးသီးဆွေးနွေးခဲ့ကြပြီး အခမ်းအနားကို စုစုပေါင်း တက်ရောက်သူ(၂၃)ဦးရှိပြီး နေ့လယ် (၁၁:၃၀)နာရီအချိန်တွင် ရုပ်သိမ်းခဲ့ကြောင်း သိရှိရသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။
