အခမ်းအနားတွင် သဘာပတိအဖြစ် မြန်မာနိုင်ငံ တိုင်းရင်းဆေးဆရာအသင်းခွဲ (နေပြည်တော်)မှ ဥက္ကဋ္ဌ ဆရာကြီးဦးနေအောင်က ဆောင်ရွက်ခဲ့ပြီး အကြီးတန်းတိုင်းရင်းဆေးမှူး ဒေါ်တင်နွယ်က "တုပ်ကွေးရောဂါ" စာတမ်းကြီးကြပ်သူဖြစ်ပြီး စာတမ်းရှင် လက်ထောက်တိုင်းရင်းဆေးမှူး ဒေါ်နန်းမြတ်ပန်းအိသွယ်မှ ဖတ်ကြား တင်ပြ ခဲ့ပါသည်။
အဆိုပါ အခမ်းအနားသို့ မြန်မာနိုင်ငံတိုင်းရင်းဆေးဆရာအသင်းခွဲ(နေပြည်တော်)မှ ဆရာ/ဆရာမများ၊ ခုတင် (၁၀၀)ဆံ့ တိုင်းရင်းဆေးရုံ၊ နေပြည်တော်မှ ဆရာ/ဆရာမများ၊ တိုင်းရင်းဆေးပညာဦးစီးဌာန ကုသရေးဌာနခွဲမှ ညွှန်ကြားရေးမှူး၊ ဖွံ့ဖြိုးရေးဌာနခွဲမှ လက်ထောက်ညွှန်ကြားရေးမှူးနှင့် တိုင်းရင်းဆေးပညာကို စိတ်ဝင်စားသူများ စုစုပေါင်း (၂၈)ဦး တက်ရောက်ခဲ့ပြီး စာတမ်းနှင့်ပတ်သက်၍ သိလိုသည်များကို မေးမြန်း၊ ဆွေးနွေး ဖြေကြားခြင်းနှင့် အတွေ့အကြုံများကို မျှဝေဆွေးနွေးပြီးနောက် ညနေ ၄:၃၀ နာရီတွင် အခမ်းအနားပြီးမြောက်ခဲ့ပါကြောင်းသိရှိရပါသည်။