the republic of the union of myanmar
ministry of health
Department of Traditional Medicine
၄-၁၀-၂၀၂၂ နေပြည်တော်
ကျန်းမာရေးဝန်ကြီးဌာန၏လမ်းညွှန်မှု၊ တိုင်းရင်းဆေးပညာဦးစီးဌာန၏ ကြီးကြပ်စီစဉ်ပေးမှူဖြင့် ပဲခူးတိုင်းဒေသကြီး ဖြူးမြို့ ၁၆ခုတင်ဆံ့တိုင်းရင်းဆေးရုံမှ လက်ထောက်တိုင်းရင်းဆေးမှူး ဒေါ်ဇင်မင်းထွန်းနှင့် အငယ်တန်းစာရေး ဒေါ်မြစန်းအေး တို့ ပါဝင်သောဆရာမများအဖွဲ့သည် ၂-၁၀-၂၀၂၂ ရက်နေ့တွင် ပဲခူးတိုင်းဒေသကြီး အစားအသောက်နှင့်ဆေးဝါးကွပ်ကဲရေးဦးစီးဌာနနှင့် ပဲခူးတိုင်းဒေသကြီး ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့နှင့်ပူးပေါင်း၍ အမှတ်၃၀၆ ခြေမြန်တပ်ရင်းရှိ တပ်တွင်းကျောင်း၌ တိုင်းရင်းဆေးဖြင့်ကွင်းဆင်းဆေးကုသခဲ့ရာ ဆေးကုသခံလူနာ စုစုပေါင်း (၄၀)ဦးတို့အား ဆေးကုသမှု ဆောင်ရွက်ခဲ့ပြီး အဆိုပါနေရာ၌ တကိုယ်ရည်သန့်ရေးနှင့်၊ သံကောင်၊ တုတ်ကောင်ရောဂါပိုးများအကြောင်းကို တိုင်းရင်းဆေးပညာဖြင့် ဆောင်ရန်/ရှောင်ရန်များအကြောင်းတို့ကို ဟောပြောရာတွင်တက်ရောက်သူ (၁၀၀)ဦး ခန့်အား ပညာပေးဟောပြောခဲ့ပါကြောင်း သတင်းရရှိပါသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။
