၂၁-၉-၂၀၂၂ နေပြည်တော်
ကျန်းမာဝန်ကြီးဌာန၊ တိုင်းရင်းဆေးပညာဦးစီးဌာနကကြီးမှူး၍ “(၂၁)ကြိမ်မြောက်မြန်မာ့ တိုင်းရင်းဆေးသမားတော်များညီလာခံနှင့်တိုင်းရင်းဆေးပညာနှီးနှောဖလှယ်ပွဲ” အကြိုညှိနှိုင်းအစည်း အဝေးကို ယနေ့ ၂၀၂၂ ခုနှစ် စက်တင်ဘာ(၂၁)ရက် နေ့လယ်(၁း၀၀)နာရီက တိုင်းရင်းဆေးပညာ ဦးစီးဌာန၊ အစည်းအဝေးခန်းမ၌ကျင်းပရာ သဘာပတိအဖြစ် တိုင်းရင်းဆေးပညာဦးစီးဌာန ညွှန်ကြားရေးမှူးချုပ် ဒေါက်တာစုစုဒွေးက ဆောင်ရွက်ပြီး အခမ်းအနားမှုးအဖြစ် ဖွံ့ဖြိုးရေးဌာနခွဲမှ ဒုတိယညွှန်ကြားရေးမှူးက ဆောင်ရွက်ပါသည်။
အစည်းအဝေးသို့ တိုင်းရင်းဆေးပညာဦးစီးဌာန၊ တိုင်းရင်းဆေးတက္ကသိုလ်တို့မှ တာဝန်ရှိသူများ တိုင်းရင်းဆေးပညာရပ်ဆိုင်ရာအကြံပေးအဖွဲ့၊ မြန်မာနိုင်ငံတိုင်းရင်းဆေးကောင်စီ၊ မြန်မာနိုင်ငံတိုင်းရင်းဆေးဆရာအသင်း(ဗဟို)၊ မြန်မာနိုင်ငံတိုင်းရင်းဆေးဝါးထုတ်လုပ်သူများနှင့်ဆေးပစ္စည်းလုပ်ငန်းရှင်များအသင်းတို့မှ ကိုယ်စားလှယ်များ တက်ရောက်ကြပါသည်။
အစည်းအဝေးတွင် တိုင်းရင်းဆေးပညာဦးစီးဌာန ညွှန်ကြားရေးမှူးချုပ် ဒေါက်တာစုစုဒွေးက အဖွင့်အမှာစကားပြောကြားပြီး သုတေသနနှင့်ဖွံ့ဖြိုးရေးဌာနခွဲမှ ညွှန်ကြားရေးမှူးက ညီလာခံနှင့်နှီးနှောဖလှယ်ပွဲ ကျင်းပနိုင်ရေးအတွက် ကြိုတင်ပြင်ဆင်ထားမှုများကို ရှင်းလင်းတင်ပြပါသည်။
ထို့နောက် အစည်းအဝေးသို့ တက်ရောက်လာကြသော ဆရာကြီး၊ ဆရာမကြီးများမှ ဝိုင်းဝန်းဆွေးနွေး အကြံပြုကြပြီး အစည်းအဝေးကို နေ့လယ် (၃း၃၀) နာရီတွင် ရုတ်သိမ်းခဲ့ပါကြောင်းသိရှိရပါသည်။