၂၀၂၂ ခုနှစ် ဇူလိုင်လ ၈ ရက် နေ့လယ်(၁:၀၀)နာရီတွင် တိုင်းရင်းဆေးပညာစဉ်ဆက်မပြတ် ပညာပေးရေးအစီအစဉ် Continuing Traditional Medical Education (CTME) Programme အခမ်းအနားကို ကျင်းပပြုလုပ်ခဲ့ပါသည်။
အဆိုပါ အခမ်းအနားတွင် သဘာပတိအဖြစ် တိုင်းဒေသကြီးဦးစီးဌာနမှူး ဦးသာ၀င်း က ဆောင်ရွက်ပြီး အခမ်းအနားမှူးအဖြစ် ဒေးဒရဲမြို့နယ်တိုင်းရင်းဆေးကုဌာန၊ မြို့နယ်တိုင်းရင်း ဆေးမှူး၊ ဒေါ်နန့်တင်တင်အေးက ဆောင်ရွက်ပါသည်။ ဖျာပုံခရိုင်တိုင်းရင်းဆေးကုဌာန၊ ခရိုင်တိုင်းရင်းဆေးမှူး၊ ဒေါ်ဇင်ဝင်းမာက ဆီးကျောက်တည်ရောဂါ” အကြောင်း စာတမ်း တင်ပြ ဆွေးနွေးခဲ့ပါသည်။
အခမ်းအနားသို့ ပုသိမ်တိုင်းရင်းဆေးရုံမှ ဆရာ/ဆရာမများနှင့် တိုင်းရင်းဆေးပညာ စိတ်ပါဝင်စားသူများ တက်ရောက်ခဲ့ကြပြီး တက်ရောက်သူစုစုပေါင်း (၂၁)ဦး ရှိပြီး တက်ရောက်လာကြသူများမှ စာတမ်းနှင့် ပတ်သက်၍ သိလိုသည်များကို မေးမြန်း ဆွေးနွေး၊ ဖြေကြားခြင်းနှင့် အတွေ့အကြုံများ မျှဝေဆွေးနွေးကြပြီး အခမ်းအနားကို ညနေ(၃:၀၀) နာရီတွင် ရုတ်သိမ်းခဲ့ကြောင်း သတင်းရရှိပါသည်။