the republic of the union of myanmar
ministry of health
Department of Traditional Medicine
၂၈-၆-၂၀၂၂
ကျန်းမာရေးဝန်ကြီးဌာန၏လမ်းညွှန်မှု၊ တိုင်းရင်းဆေးပညာဦးစီးဌာန၏ ကြီးကြပ်စီစဉ်ပေးမှု တို့ဖြင့် တနင်္သာရီတိုင်းဒေသကြီး တိုင်းရင်းဆေးပညာဦးစီးဌာနမှ ဆရာ/ဆရာမများသည် ၁၆-၆-၂၀၂၂ ရက်နေ့၌ ကော့သောင်းမြို့ အိမ်တွင်းမှုသင်တန်းကျောင်းတွင် တိုင်းရင်းဆေးပညာဖြင့် ဟောပြောခြင်းနှင့် ၁၈-၆-၂၀၂၂ ရက်နေ့တွင် မြိတ်မြို့ ဘိုးဘွားရိပ်သာ၌ ကွင်းဆင်းဆေးကုသခြင်းများ ပြုလုပ်ခဲ့ရာတွင် ဆေးကုသခံ လူနာဦးရေ စုစုပေါင်း (၂၁)ဦး အား တိုင်းရင်းဆေးပညာဖြင့် ကျန်းမာရေးစောင့်ရှောက်မှု ပေးခဲ့ပါသည်။
ထို့ပြင် ၂၃-၆-၂၀၂၂ ရက်နေ့၌ ထားဝယ်မြို့ ဘိုးဘွားရိပ်သာတွင် တိုင်းရင်းဆေးပညာဖြင့် ကွင်းဆင်းဆေးကုသမှု ပြုရာတွင် ဆေးကုသခံလူနာဦးရေ စုစုပေါင်း (၁၅)ဦးအား တိုင်းရင်းဆေးပညာဖြင့် ဆေးကုသမှုပေးခဲ့ပါသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။
