Department of Traditional Medicine

၂၀၂၂ ခုနှစ် မေလ ၃၀ ရက် နေ့လယ် (၀၁:၀၀)နာရီတွင် တနင်္သာရီတိုင်းဒေသကြီး၊ မြိတ်ခရိုင် တိုင်းရင်းဆေးပညာဦးစီးဌာနနှင့် မြိတ်ခရိုင် တိုင်းရင်းဆေးဆရာအသင်းတို့ပူးပေါင်း၍ မြိတ်မြို့ ခုတင်(၂၅)ဆံ့ တိုင်းရင်းဆေးရုံတွင် တိုင်းရင်းဆေးပညာစဉ်ဆက်မပြတ်ပညာပေးရေးအစီအစဉ် Continuing Traditional Medical Education (CTME) Programme အခမ်းအနားကို ကျင်းပပြုလုပ်ခဲ့ပါသည်။

အခမ်းအနားတွင် သဘာပတိအဖြစ် မြန်မာနိုင်ငံတိုင်းရင်းဆေးဆရာအသင်း ဗဟိုအလုပ်အမှုဆောင် ဦးတင်ဝင်းမှ ဆောင်ရွက်ခဲ့ပြီး ဝက်သက်ရောဂါကုထုံးအကြောင်းစာတမ်းအား မြိတ်မြို့ ခုတင်၂၅ဆံ့ တိုင်းရင်းဆေးရုံမှ ဒုတိယတိုင်းရင်းဆေးမှူး ဒေါ်ခင်မာကြူက တင်ပြ ဖတ်ကြားခဲ့ရာ အခမ်းအနားသို့ တက်ရောက်လာကြသူများမှ သိရှိလိုသည်များကို မေးမြန်း ဆွေးနွေးခဲ့ကြပါသည်။

ဆွေးနွေးပွဲအခမ်းအနားသို့ တိုင်းဒေသကြီး၊ ခရိုင်၊ မြို့နယ်နှင့် တိုင်းရင်းဆေးရုံ၊ ဆေးကုဌာန များမှ  ဆရာ/ဆရာမ (၁၃)ဦး တက်ရောက်ခဲ့ပြီး နေ့လယ်(၀၃:၀၀) နာရီတွင် အခမ်းအနားကို ရုတ်သိမ်းခဲ့ပါသည်။