Department of Traditional Medicine

ASEAN Agreement for Traditional Medicine (TM) and Health Supplement (HS) နှင့်ပတ်သက်သော အစည်းအဝေးကို (၂၁-၁-၂၀၂၀)ရက်နေ့ နံနက် ၁၀ : ၀၀ နာရီတွင် တိုင်းရင်းဆေးပညာဦးစီးဌာန အစည်းအဝေးခန်းမ၌ ကျင်းပပြုလုပ်ခဲ့ပါသည်။ အစည်းအဝေးကို တိုင်းရင်းဆေးပညာဦးစီးဌာနမှ ညွှန်ကြားရေးမှူးချုပ် ဒေါက်တာမိုးဆွေ ဦးဆောင်ပါဝင်ဆွေနွေး၍ တိုင်းရင်းဆေးပညာရပ်ပညာရပ်ဆိုင်ရာ အကြံပေးအဖွဲ့၊ တိုင်းရင်းဆေးကောင်စီနယကအဖွဲ့၊ မြန်မာနိုင်ငံတိုင်းရင်းဆေးဆရာအသင်း၊ တိုင်းရင်းဆေးကောင်စီ၊ တိုင်းရင်းဆေးဝါးထုတ်လုပ်သူများနှင့် ဆေးပစ္စည်းလုပ်ငန်းရှင်များအသင်း၊ နိုင်ငံခြားရေးဝန်ကြီးဌာနမှ တာဝန်ရှိပုဂ္ဂိုလ်၊ ပြည်ထောင်စု‌ရှေ့နေချုပ်ရုံးမှ တာဝန်ရှိပုဂ္ဂိုလ်များနှင့် ဒုတိယညွှန်ကြားရေးမှူးချုပ် ဒေါက်တာသံလွင်ထွန်း၊ ဒုတိယ ညွှန်ကြားရေးမှူးချုပ် ဒေါက်တာတင်တင်မိုး၊ တိုင်းရင်းဆေးတက္ကသိုလ်မှ ခေတ္တပါမောက္ခချုပ် ပါမောက္ခဒေါက်တာသိန်းဇော်လင်း၊ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ လ/ထညွှန်ကြားရေးမှူး များနှင့် တာဝန်ရှိပုဂ္ဂိုလ်များတက်ရောက်ခဲ့ကြသည်။
အဆိုပါ အစည်းအဝေးတွင် အာဆီယံအသံကို အတူတကွနားစဉ်ခဲ့ကြပြီး ASEAN Agreement on Regulatory Framework for Health Supplements (Safety, Quality, Efficacy/Claimed Benefits and Labeling Requirements) of the Agreements on HS and TM မှ ARTICALE (3, 5,8) ကို အကျယ်အဝင့်ဆွေး.နွေးခဲ့ကြသည်။
ထို့နောက် တိုင်းရင်းဆေးပညာဦးစီးဌာနမှ ညွှန်ကြားရေးမှူးချုပ် ဒေါက်တာမိုးဆွေက ၂၀၂၀ ပြည့်နှစ် ဇွန်လ ၂၉ မှ ဇူလိုင်လ ၃ ရက်နေ့တွင် (၃၃)ကြိမ်မြောက် ASEAN – TMHS အစည်းအဝေးကို မြန်မာနိုင်ငံတွင် အိမ်ရှင်အဖြစ် လက်ခံကျင်းပရန် ရှိပါသဖြင့် ကြိုတင်ပြင်ဆင်ထားပါရန် လမ်းညွှန်မှာကြားခဲ့သည်။