the republic of the union of myanmar
ministry of health
Department of Traditional Medicine
၂၀၁၈ ခုနှစ် မတ်လ ၂၃ ရက်နေ့တွင် အဋ္ဌမအကြိမ် တိုင်းရင်းဆေးသုတေသနစာတမ်းဖတ်ပွဲ (The 8th Traditional Medicine Research Congress) ကိုယနေ့ နံနက် (၈:၀၀)နာရီတွင် တိုင်းရင်းဆေးတက္ကသိုလ်၊ မန္တလေးမြို့၌ ဖွင့်လှစ်ခဲ့ပါသည်။ အဆိုပါဖွင့်ပွဲအခမ်းအနားသို့ မန္တလေးတိုင်းဒေသကြီးဝန်ကြီးချုပ် ဒေါက်တာဇော်မြင့်မောင်၊ တိုင်းဒေသကြီးလွှတ်တော် ဥက္ကဋ္ဌနှင့် ဒုတိယဥက္ကဋ္ဌ၊ မန္တလေးတို င်းဒေသကြီးအစိုးရအဖွဲ့ဝင် ပုဂ္ဂိုလ်များ၊ ညွှန်ကြားရေးမှူးချုပ်များ၊ ပါမောက္ခချုပ်များ၊ အငြိမ်းစားပါမောက္ခချုပ်များ၊ ဒု-ပါမောက္ခချုပ်များ၊ ဒု-ညွှန်ကြားရေးမှူးချုပ်များ၊ တိုင်းရင်းဆေးကောင်စီဝင်များ၊ တိုင်းရင်းဆေးပညာရပ်ဆိုင်ရာ အကြံပေးအဖွဲ့မှ အတွင်းရေးမှူးနှင့်အဖွဲ့ဝင်များ၊ မြန်မာနိုင်ငံတိုင်းရင်းဆေးဝါးထုတ်လုပ်ရေးလုပ်ငန်းရှင်များ အသင်းဥက္ကဋ္ဌနှင့် အဖွဲ့ဝင်များ၊ နှီးနွယ်ဌာနမှ သက်ဆိုင်ရာပုဂ္ဂိုလ်များနှင့် တိုင်းဒေသကြီး/ပြည်နယ် အသီးသီးမှ ကိုယ်စားလှယ်များ၊ တင်သွင်းသောစာတမ်းများ၏ စာတမ်းရှင်များနှင့် အခြား ဖိတ်ကြားထားသော ဧည့်သည်တော်များတက်ရောက် အားပေးကြပါသည်။
ထို့နောက် မန္တလေးတိုင်းဒေသကြီးဝန်ကြီးချုပ် ဒေါက်တာဇော်မြင့်မောင်နှင့်အဖွဲ့သည် ခင်းကျင်းထားသော ပိုစတာများအားလှည့်လည် ကြည့်ရှုအားပေးခဲ့ပါသည်။ ယခုနှစ် အဋ္ဌမအကြိမ်မြောက် တိုင်းရင်းဆေးသုတေသနစာတမ်းဖတ်ပွဲတွင် စာတမ်း(၃၀)စောင်နှင့် ပိုစတာ (၅)ခုပါဝင်ပြသကြကြောင်းသိရပါသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။
