Department of Traditional Medicine

စဉ်ဆက်မပြတ် တိုင်းရင်းဆေးပညာပေးအစီအစဉ်  အရိုးကျီးပေါင်းကြောင့်ဒူးနာခြင်းရောဂါအကြောင်း  ဆွေးနွေးခြင်း

တိုင်းရင်းဆေးပညာဦးစီးဌာနှင့် နေပြည်တော် ခုတင်(၁၀၀)ဆံ့တိုင်းရင်းဆေးရုံကြီးတို့ ပူးပေါင်း၍ စဉ်ဆက်မပြတ် တိုင်းရင်းဆေးပညာပေးအစီအစဉ်ကို ၂၀၁၇ ခုနှစ် မေလ ၂၇ ရက်နေ့ နံနက် (၉ : ၀၀) နာရီတွင် နေပြည်တော် ခုတင် (၁၀၀) ဆံ့ တိုင်းရင်းဆေးရုံကြီး အစည်းအဝေးခန်းမ၌ ကျင်းပ ပြုလုပ်ခဲ့ပါသည်။

အဆိုပါအခမ်းအနားတွင် သဘာပတိအဖြစ် ဒုတိယ-ညွှန်ကြားရေးမှူး(ဉယျာဉ်) အငြိမ်းစား၊ ဆရာကြီး ဦးစိုးဝင်းမှ ဆောင်ရွက်ခဲ့ပြီး အခမ်းအနားမှူးများအဖြစ် ဒေါ်သီတာအေး (ဒုတိုင်းရင်းဆေးမှူး) နှင့် ဒေါ်အေးအေးမော်(လက်ထောက် တိုင်းရင်းဆေးမှူးတို့မှ တာဝန်ယူ ဆောင်ရွက်ခဲ့ကြပါသည်။

ရှေးဦးစွာ သဘာပတိ၊ ဆရာကြီးဦးစိုးဝင်းမှ အဖွင့်အမှာစကားပြောကြားပါသည်။ ထို့နောက် ခုတင် (၁၀၀) ဆံ့ တိုင်းရင်းဆေးရုံ (နေပြည်တော်)မှ အကြီးတန်းတိုင်းရင်းဆေးမှူး ဆရာမဒေါ်ခင်မျိုးမြင့်မှနေ၍ အရိုးကျီးပေါင်းကြောင့် ခါးနာခြင်းနှင့် ဒူးနာခြင်းရောဂါ အကြောင်း တို့ကို ဆွေးနွေးတင်ပြပါသည်။ တက်ရောက်လာသူများမှ ယင်းရောဂါများနှင့် ပတ်သက်ပြီး သိရှိလို သည်များ၊ မိမိတို့၏အတွေ့အကြုံများကို ဝိုင်းဝန်းဆွေးနွေးကြရာ သဘာပတိကြီးနှင့် စာတမ်းရှင် တို့မှ ပြန်လည်ရှင်းလင်းဖြေကြားပြီး ဘဘာပတိကြီးမှ နိဂုံးချုပ် အမှာစကားပြောကြား ကာ အခမ်းအနားကို နေ့လည် (၁၂: ၀၀) နာရီတွင် ရုတ်သိမ်းခဲ့ပါသည်။

အခမ်းအနားသို့ တိုင်းရင်းဆေးပညာဦးစီးဌာနမှ တာဝန်ရှိသူများ၊ နေပြည်တော် တိုင်းဦးစီးဌာနမှူး၊ နေပြည်တော်ခုတင်(၁၀၀)တိုင်းရင်းဆေးရုံအုပ်၊ ဒုတိယဆေးရုံအုပ် နှင့် ဆေးရုံမှ ဆရာ/ ဆရာမများ၊ ခရိုင်ဦးစီးဌာနမှူးများ၊ မြို့နယ်တိုင်းရင်းဆေးမှူးများ၊ ပြင်ပ တိုင်းရင်းဆေးဆရာများ အားလုံးစုစုပေါင်း (၆၄)ဦး တက်ရောက်ခဲ့ပါသည်။

အဆိုပါ စဉ်ဆက်မပြတ်တိုင်းရင်းဆေးပညာပေးအစီအစဉ်ကို အေးငြိမ်းသီတာ (တိုင်းရင်း ဆေးဝါး ထုတ်လုပ်ရေး) မှ ကူညီပံ့ပိုးပေးပါသည်၊၊