the republic of the union of myanmar
ministry of health
Department of Traditional Medicine
၂၀၁၈ ခုနှစ် စက်တင်ဘာလ ၁၆ ရက်နေ့၌ သစ်လွင် တိုင်းရင်းဆေးသမားတော် လက်ထောက်တိုင်းရင်းဆေးမှူးများ လုပ်ငန်းခွင်ဝင်သင်တန်းကို တိုင်းရင်းဆေး တက္ကသိုလ်တွင် ကျင်းပခဲ့ပါသည်။ အဆိုပါ လုပ်ငန်းခွင်ဝင်သင်တန်းကို တိုင်းရင်းဆေး ပညာဦးစီးဌာနမှ ခေတ္တညွှန်ကြားရေးမှူးချုပ် ဦးကျော်သိန်းဌေးနှင့်တကွ တိုင်းရင်းဆေးတက္ကသိုလ်မှ တာဝန်ရှိသူများ စီမံရေးရာဌာနမှ ညွှန်ကြားရေးမှူး ဦးခင်မောင်သန်း၊ ဆေးဝါးနှင့်ဥယျာဉ်ဌာနမှ ညွှန်ကြားရေးမှူး ဒေါက်တာမြင့်မြင့်သန်း၊ ကုသရေးဌာနမှ ညွှန်ကြားရေးမှူး ဦးမြင့်ဦး၊ သုတေသနနှင့်ဖွံ့ဖြိုးရေးဌာနမှ ညွှန်ကြားရေးမှူး ဒေါက်တာသိန်းဇော်လင်း၊ ဥယျာဉ်ဌာနစိတ်မှ ဒုတိယ ညွှန်ကြားရေးမှူး ဒေါ်အေးအေးမာ၊ ဘဏ္ဍာရေးဌာနစိတ်မှ လ/ထညွှန်ကြားရေးမှူး ဒေါ်စန်းမြသော်တာတို့မှ တိုင်းရင်းဆေးပညာဦးစီးဌာန၏ ဌာနအသီးသီး၏ လုပ်ငန်းဆောင်ရွက်ချက်များ၊ လှုပ်ရှားမှုများကို ဖြင့် Power Point ရှင်းလင်းတင်ပြ ခဲ့ပါသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။
