Department of Traditional Medicine

နေပြည်တော် စက်တင်ဘာ(၂၈)ရက်

ကျန်းမာရေးနှင့်အားကစားဝန်ကြီးဌာန၊ တိုင်းရင်းဆေးပညာဦးစီးဌာန(ရုံးချုပ်) သုတေသန/ဖွံ့ဖြိုးရေးဌာနခွဲမှ ညွှန်ကြားရေးမှူးရာထူးမှ  တိုင်းရင်းဆေးတက္ကသိုလ် ဆေးပညာဌာန၏ ပါမောက္ခရာထူးသို့ ပြောင်း ရွေ့တာဝန်ထမ်းဆောင်မည့် ပါမောက္ခဒေါက်တာသိန်းဇော်လင်းအား နေပြည်တော်၊ တိုင်းရင်းဆေးပညာဦးစီးဌာန အစည်းအဝေးခန်းမတွင် တိုင်းရင်းဆေးပညာဦးစီးဌာန(ရုံးချုပ်)ရှိ ညွှန်ကြားရေးမှူးများ၊ ဝန်ထမ်း အားလုံးနှင့် တွေ့ဆုံနှုတ်ဆက်ခဲ့ပါသည်။

တိုင်းရင်းဆေးပညာဦးစီးဌာန ခေတ္တညွှန်ကြားရေးမှူးချုပ် ဦးကျော်သိန်းဌေးပြောကြားရာတွင်-

• ပါမောက္ခရာထူးဖြင့် တိုင်းရင်းဆေးတက္ကသိုလ်သို့ ပြောင်းရွေ့တာဝန်ထမ်းဆောင်မည့် ပါမောက္ခဒေါက်တာသိန်းဇော်လင်းသည် တိုင်းရင်းဆေးပညာဦးစီးဌာန(ရုံးချုပ်)တွင် ညွှန်ကြားရေးမှူး တာဝန်ဝတ္တရားများကို တာဝန်ကျေပွန်စွာ ထမ်းဆောင်ခဲ့သော ဆရာ တစ်ဦးဖြစ်ပါကြောင်း
• တိုင်းရင်းဆေးတက္ကသိုလ်၏ လိုအပ်ချက်အရ ပြောင်းရွေ့တာဝန်ထမ်းဆောင်စေခဲ့ကြောင်း
• တိုင်းရင်းဆေးတက္ကသိုလ်၏ ကောင်းကျိုးများနှင့် တိုးတက်ရာတိုးတက်ကြောင်းများကို များစွာအထောက်အကူပြုမည့် ဆရာတစ်ဦးအဖြစ် မျှော်လင့်ပါကြောင်း ပြောကြားခဲ့ပါသည်။

ထို့နောက် ပါမောက္ခရာထူးဖြင့် ပြောင်းရွေ့တာဝန်ထမ်းဆောင်မည့် ပါမောက္ခဒေါက်တာ သိန်းဇော်လင်းအား လက်ဆောင်ပစ္စည်းများပေးအပ်ကြပါသည်။

ဆက်လက်ပြီး ပါမောက္ခဒေါက်တာသိန်းဇော်လင်းက တိုင်းရင်းဆေးတက္ကသိုလ်၏ ဆေးပညာဌာနတွင် ပါမောက္ခရာထူးဖြင့် တိုင်းရင်းဆေးတက္ကသိုလ် တိုးတက်ဖွံ့ဖြိုးဖို့ စွမ်းစွမ်းတမံ ဆောင်ရွက်မည်ဖြစ်ကြောင်းနှင့် လုပ်ဖော်ကိုင်ဖက်များအား ကျေးဇူးတင်စကားပြောကြားပြီး တိုင်းရင်းဆေးပညာဦးစီးဌာနရှိ ဝန်ထမ်းများအားလုံးကို နှုတ်ဆက်စကားပြောကြားပါသည်။