the republic of the union of myanmar
ministry of health
Department of Traditional Medicine
နေပြည်တော် ခုတင်(၁၀၀)ဆံ့၊ တိုင်းရင်းဆေးရုံကြီး၊ ကလေးရောဂါကုဌာနကဆရာမများ ဦးဆောင်၍ (၁၄.၇.၂၀၁၈) ရက်နေ့တွင် ဒက္ခိဏခရိုင်၊ လယ်ဝေးမြို့နယ်၊ သစ်ဆိမ့်ပင်ကျေးရွာအုပ်စု၊ သစ်ဆိမ့်ပင်ကျေးရွာရှိ ပြည်သူများအားတိုင်းရင်းဆေးပညာဖြင့် ကျန်းမာရေးစောင့်ရှောက်ပေးရန် အတွက် အခမဲ့ကွင်းဆင်းဆောင်ရွက်မှုများပြုလုပ်ပေးခဲ့ပါသည်။ ၎င်းသစ်ဆိမ့်ပင်ကျေးရွာတွင် အိမ်ခြေ (၂၄၀)၊ လူဦးရေ(၁၉၂၀) ခန့်ရှိပြီး လယ်ယာလုပ်ငန်းအဓိကလုပ်ကိုင်ကြသူများဖြစ်ပါသည်။ ဆေးကုသမှုကို နံနက်(၉:၃၀)မှစတင်၍ ဆောင်ရွက်ခဲ့ရာလူနာစုစုပေါင်း (၁၆၁)ဦးအား ဆေးကုသမှု ပြုလုပ်ပေးနိုင်ခဲ့ပါသည်။ အများဆုံး ကုသပေးခဲ့ရသော ရောဂါများမှာအဆစ်ရောင်ရောဂါ(ဒူး၊ ဇက်၊ ခါး) ၄၈ ဦး၊ အကြောတက်ကိုက်ခဲရောဂါ (၃၃)ဦး၊ သွေးတိုးရောဂါ (၁၂) ဦး၊ ဝဲယားနာ (၁၀)ဦး၊ ထုံနာကျဉ်နာ (၉)ဦးဖြစ်ပြီး အများဆုံးလာရောက် ကုသခံယူသူများမှာ အသက်(၄၀) မှ (၄၉)နှစ် အတွင်းရှိသူများ ဖြစ်ပါသည်။
ထို့အပြင် လိုအပ်သောလူနာများအားသင့်လျော်ရာဆေးရုံဆေးခန်းများသို့သွားရောက်၍ ဆက်လက်ဆေးကုသမှုခံယူရန်နှင့် တိုင်းရင်းဆေးပညာဦးစီးဌာနမှထုတ်ဝေသော ကျန်းမာရေးပိုစတာများ၊ လက်ကမ်းစာစောင်များကိုလည်း ဖြန့်ဝေပေးခဲ့ကြောင်းသတင်းရရှိပါသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။
