အထက်ပါကိစ္စနှင့်ပတ်သက်၍ တိုင်းရင်းဆေးပညာဦးစီးဌာနလက်အောက်ရှိ တိုင်းဒေသကြီး/ ပြည်နယ်များအတွင်း တိုင်းရင်းဆေးရုံနှင့် ခရိုင်တိုင်းရင်းဆေးကုဌာနများတွင် လစ်လပ်လျက်ရှိသော ဆေးရုံအုပ်၊ ဒုတိယဆေးရုံအုပ်၊ခရိုင်တိုင်းရင်းဆေးမှူးနှင့် တိုင်းရင်းဆေးမှူးရာထူး (လစာနှုန်း၊ ၂၇၅၀၀ဝိ-၄၀၀၀-၂၉၅၀၀ဝိ) နေရာများသို့ သတ်မှတ်အရည်အချင်းနှင့် ပြည့်စုံသူများလျှောက်ထားနိုင်ကြောင်း အကြောင်းကြားပါသည်။
လျှောက်ထားသူများသည် အောက်ပါအရည်အချင်းများနှင့် ကိုက်ညီသူဖြစ်ရမည်-
(က) တိုင်းရင်ဆေးပညာဒီပလိုမာအောင်မြင်ပြီး တက္ကသိုလ်တစ်ခုခုမှ ဘွဲ့ရရှိပြီးသူ (သို့မဟုတ်) မြန်မာ့တိုင်းရင်းဆေးပညာဘွဲ့ (B.M.T.M)ရရှိပြီးသူဖြစ်ရမည်။
(ခ ) (၂၅-၁၀-၂၀၁၉) ရက်နေ့၌ ဒုတိယတိုင်းရင်းဆေးမှူးရာထူး (လစာနှုန်း၊ ၂၃၄၀၀ဝိ-၂၀၀၀-၂၄၄၀၀ဝိ)နှင့်အဆင့်တူရာထူးတွင် လုပ်သက်(၃)နှစ် ပြည့်ပြီးသူ ဖြစ်ရမည်။
(ဂ ) ရာထူးတိုးမြှင့်ခန့်ထားပေးခြင်းခံရပါက မည်သည့်ဒေသမဆို သွားရောက်တာဝန် ထမ်းဆောင်နိုင်သူ ဖြစ်ရမည်။