ဧရာဝတီတိုင်းဒေသကြီး ပုသိမ်မြို့ (၁၆)ခုတင်ဆံ့တိုင်းရင်းဆေးရုံမှ (၂-၃-၂၀၂၄) ရက်နေ့၊ စနေနေ့တွင် ဆေးရုံအုပ်နှင့် ဆရာမအဖွဲ့ဝင် (၅)ဦးတို့သည် ပုသိမ်ခရိုင်၊ ဆီဆုံကျေးရွာအုပ်စု၊ သဘော့ချောင်းရွာ၊ သာပေါင်းမြို့နယ်သို့သွားရောက်၍ ကွင်းဆင်းဆေးကုသပေးခဲ့ရာ ကျား(၂၃)ဦး၊ မ (၄၁)ဦး၊ စုစုပေါင်း (၆၄)ဦး တို့အား တိုင်းရင်းဆေးပညာဖြင့် ကျန်းမာရေးစောင့်ရှောက်မှုပေးခဲ့ကြကြောင်းသိရသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။