Department of Traditional Medicine

ရန်ကုန်တိုင်းဒေသကြီး၊ အလုံခရိုင်၊ အလုံမြို့နယ်တွင် လူငယ်ရေးရာအသိပညာပေးဟောပြောပွဲကို အမှတ်(၆)၊ အ‌‌ခြေခံပညာအထက်တန်း‌ကျောင်း၊ အနန္တပညာခန်းမ၌ ယနေ့နံနက် ၁၀နာရီက ကျင်းပပါသည်။

ဟောပြောပွဲတွင် မြို့နယ်စီမံခန့်ခွဲ‌ရေးနှင့်အုပ်ချုပ်ရေး‌ကော်မတီဥက္ကဌ ဦးရဲကိုကိုက အဖွင့်အမှာစကား ပြောကြားရာတွင် စာပေဖတ်ရှုခြင်းဖြင့်မိမိဘ၀ကိုဆင်ခြင်တုံတရား များဖြင့် လမ်းကြောင်းမှန်ကိုသွားနိုင်မည်ဖြစ် ကြောင်း ပြောကြားပြီး ပြန်ကြားရေးနှင့်ပြည်သူ့ ဆက်ဆံရေးဦးစီးဌာန မြို့နယ်ဦးစီးမှူး ဒေါ်အိအိမွန်က လူငယ်နှင့်စာပေခေါင်းစဉ်ဖြင့်လည်းကောင်း၊  မြို့နယ်တိုင်းရင်းဆေးကုဌာနမှ ဒေါ်မေသန်းမြင့်ထွေးက ၀မ်းပျက် ၀မ်းလျောရောဂါဖြစ်ပွားလာပါက သတိပြုဆင်ခြင်ရမည့်အကြောင်းများခေါင်းစဉ်ဖြင့် လည်းကောင်း ဟောပြော ဆွေးနွေးကြပြီး အမှတ်(၆)၊အ‌‌ခြေခံပညာအထက်တန်း‌ ကျောင်း ကျောင်းအုပ်ဆရာမကြီးဒေါက်တာယုမွန်သော်က  ကျေးဇူးတင်စကားပြန်လည်ပြောကြားပါသည်။

ထို့နောက်  ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ခင်းကျင်းပြသထားသည့်  ကျန်းမာရေးအသိပညာပေး၊ လူကုန်ကူးမှုအန္တရာယ် တားဆီးကာကွယ်ရေးအသိပညာပေးနှင့် မူးယစ်ဆေးဝါးအန္တရာယ်ဆိုင်ရာ အသိပညာပေး နံရံကပ်စာစောင်ပြပွဲနှင့် စာအုပ်စာစောင်ပြပွဲများကို ကျောင်းသား၊ ကျောင်းသူများက စိတ်ပါဝင်စားစွာ လေ့လာကြည့်ရှုခဲ့ကြပြီး ဆရာမများနှင့် ကျောင်းသား၊ ကျောင်းသူများကို တိုင်းရင်းဆေးဖြင့် ဆေးကုသမှုပေးခဲ့ကြောင်း သိရသည်။