the republic of the union of myanmar
ministry of health
Department of Traditional Medicine
ရှမ်းပြည်နယ်၊ တောင်ပိုင်း လွိုင်လင်ခရိုင် ခုတင် (၂၀၀)ဆံ့ ခရိုင်ပြည်သူ့ ဆေးရုံမှ (၈/၂၀၂၄) လ မှ (၄/၂၀၂၅) လအထိဖွင့်လှစ်သော သူနာပြုအကူ သင်တန်း(၉)လရှိ သင်တန်းသူများအား တိုင်းရင်းဆေးပညာရပ်ဆိုင်ရာ ဘာသာရပ်များကို လက်ထောက်ညွှန်ကြားရေးမှူး ဒေါ်ကြည်ကြည်မြင့်၊ (၂၅) ခုတင်ဆံ့ တိုင်းရင်းဆေးရုံမှ ဆေးရုံအုပ် ဒေါ်ဥမ္မာအေးနှင့် ပင်လုံမြို့နယ် တိုင်းရင်းဆေးကုဌာနမှ ဒုတိယတိုင်းရင်းဆေးမှူး ဒေါ်စကားဝါတို့သည် (၁၁-၁၂-၂၀၂၄) မှ (၁၃-၁၂-၂၀၂၄) ရက်အထိ (၃) ရက် သင်တန်းပို့ချပေးခဲ့ပါသည်။
အဆိုပါသင်တန်းတွင် လက်ထောက်ညွှန်ကြားရေးမှူး မှ (၁၁-၁၂-၂၀၂၄) ရက်နေ့တွင် နံနက် (၁၀) နာရီမှ ညနေ (၃) နာရီခွဲ အထိ တိုင်းရင်းဆေးပညာသမိုင်းအကြောင်း နှင့် အခြခံသဘောတရား များအကြောင်း၊ ရာသီအလိုက်ဖြစ်တတ်သောရောဂါများနှင့် ကုထုံးများအကြောင်းကိုလည်းကောင်း၊ (၁၂-၁၂-၂၀၂၄) ရက်နေ့တွင် ဆေးရုံအုပ်မှ တိုင်းရင်းဆေးပညာဆိုင် ပဏာမကျန်းမာရေး စောင့်ရှောက်မှုနှင့် ရောဂါကုထုံးများအကြောင်းကိုလည်းကောင်း၊ (၁၃-၁၂-၂၀၂၄) ရက်နေ့တွင် ဒုတိယတိုင်းရင်းဆေးမှူးမှ ပတ်ဝန်းကျင်ရှိ သဘာဝဆေးဖက်ဝင်အပင်များ နှင့် ဌာနသုံးဆေးဝါးများ အကြောင်းတို့ကို အသီးသီး သင်ကြားပို့ချပေးခဲ့ကြောင်းသိရသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။
