ရန်ကုန်တိုင်းဒေသကြီး ခုတင်(၁၀၀)ဆံ့တိုင်းရင်းဆေးရုံ၊ ရန်ကုန်မှ (၂၂)ကြိမ်မြောက် မြန်မာ့တိုင်းရင်းဆေး သမားတော်များညီလာခံနှင့် မြန်မာ့တိုင်းရင်းဆေးပညာနှီးနှောဖလှယ်ပွဲအား ကြိုဆိုဂုဏ်ပြုသောအားဖြင့် (၆-၁၂-၂၀၂၃)ရက်နေ့တွင် ရန်ကုန်တိုင်းဒေသကြီး ခုတင်(၁၀၀)ဆံ့တိုင်းရင်းဆေးရုံ၊ ရန်ကုန်မှ ဒုတိယဆေးရုံအုပ် ဒေါ်ယဥ်ယဥ်မြင့် ဦးဆောင်၍ အကြီးတန်းတိုင်းရင်းဆေးမှူး ဒေါ်သန်းသန်းအေး၊ အကြီးတန်းတိုင်းရင်းဆေးမှူး ဒေါ်ရီရီလှ၊ ဒုတိယတိုင်းရင်းဆေးမှူး ဒေါ်ယဥ်မွန်ချို ၊ ဒုတိယတိုင်းရင်းဆေးမှူး ဒေါ်သဥ္ဇာထွန်း ၊ အငယ်တန်းစာရေး ဒေါ်ကြူကြူဝင်းတို့ပါဝင်သော ကွင်းဆင်းဆေးကုသရေးအဖွဲ့သည်၊ ရန်ကုန်တိုင်းဒေသကြီး ဗဟန်းမြို့နယ် အောင်မြေသုခ ဘုန်းတော်ကြီးသင်ပညာရေးကျောင်း၌ နေ့လယ်(၁၂)နာရီမှ ညနေ(၄)နာရီအထိ၊ ဆောင်းရာသီ၌ ဖြစ်တတ်သောရောဂါများအကြောင်းခေါင်းစဥ်ဖြင့် ကျန်းမာရေးအသိပညာပေးဟောပြောခဲ့ပြီး၊ ဟောပြောပွဲ တက်ရောက်သူဦးရေ(၁၅၀)တက်ရောက်ခဲ့ကာ လူနာကျား (၂၆)ဦး၊ မ (၁၀၉)ဦး၊စုစုပေါင်း (၁၃၅)ဦးတို့အား အခမဲ့ကွင်းဆင်းဆေးကုသမှုဆောင်ရွက်ပေးခဲ့ကြောင်း သိရသည်။